07:32, 24 - شىلدە 2019 | GMT +5
قاراقيادا تابىلعان ادام قاڭقاسى ساراپتاماعا جىبەرىلدى
اقتاۋ. قازاقپارات - ماڭعىستاۋ وبلىسىنىڭ پوليتسەيلەرى قاراقيا ويپاتىندا تابىلعان ادام سۇيەكتەرى كىمگە تيەسىلى ەكەندىگىن جانە ونىڭ ءولىمىنىڭ ءمان-جايىن انىقتايتىن بولادى، دەپ حابارلايدى قازاقپارات ءتىلشىسى.
«قازىرگى ۋاقىتتا ءمايىتتىڭ فراگمەنتتەرى سوت-مەديتسينالىق ساراپتاماعا جىبەرىلدى. اتالمىش فاكتى ق ر ق ك- ءنىڭ 001-بابى (كىسى ءولىمى) بويىنشا تىركەلدى»، - دەدى ماڭعىستاۋ وبلىستىق پوليتسيا دەپارتامەنتى ىشكى جانە سىرتقى كوممۋنيكاتسيا ءبولىمى باسشىسىنىڭ مىندەتىن اتقارۋشى ايگەرىم يباتۋللايەۆا.
ايتا كەتسەك، پالەونتولوگ ۆلاديمير يارتسيەۆ 21- شىلدە كۇنى قاراقيا ويپاتىنا كەزەكتى ساپارى بارىسىندا ادام قاڭقاسىن تاۋىپ العان بولاتىن. ول تۋرالى بىردەن پوليتسياعا حابارلاعان.
«قاڭقانىڭ بارلىق بولىكتەرى جەرلەنبەگەن، جەر بەتىندە جاتتى. مەنىڭشە، ولاردى جابايى جانۋارلار تاسىپ تاستاعان»، - دەيدى مامان.