ا ق ش اگرارلىق سالاداعى ۇزدىك تەحنولوگيالارىن قازاقستانعا ەنگىزبەك
س ق و اكىمى باسپا ءسوز قىزمەتىنىڭ حابارلاۋىنشا، كەزدەسۋ بارىسىندا اۋىل شارۋاشىلىعى تاقىرىبىنا، اگرارلىق تەحنيكا جاساۋ، ءونىمدى قايتا وڭدەۋگە باسا نازار اۋدارىلدى.
«ءبىزدىڭ جەرىمىز قۇنارلى، وسى ەرەكشەلىگىن دۇرىس پايدالانعان جاعدايدا جاقسى ءونىم الۋعا بولادى. وبلىستىڭ الەۋەتى جوعارى، ونى ۇزدىك تەحنولوگيالاردى ەنگىزۋ، بىلىكتى كادرلاردى جۇمىسقا تارتۋ ارقىلى دامىتۋ قاجەت. عىلىم ءبىر ورىندا تۇرمايدى، ءبىز اگروونەركاسىپ كەشەنىندەگى زاماناۋي ۇردىسكە ىلەسىپ وتىرۋىمىز قاجەت. وڭىردە جاڭا تەحنولوگيالاردى، تەحنيكانى قولدانۋ، مامانداردى ارنايى دايىندىقتان وتكىزۋ اۋىل شارۋاشىلىعى ءونىمىنىڭ كولەمىن ارتتىرادى» ، - دەدى قۇمار اقساقالوۆ.
ا ق ش ەلشىسى ۋيليام موزەردىڭ پىكىرىنشە، ەكى جاقتى قارىم- قاتىناستىڭ بولاشاعى زور.
«سولتۇستىك قازاقستان وبلىسى ءبىزدى ەرەكشە قىزىقتىرادى. ويتكەنى، ەلىمىزدەگى داكوتا سياقتى شتاتتارمەن كليمات جاعىنان وتە ۇقساس. ءبىزدىڭ شارۋالاردىڭ جەرمەن جۇمىس ىستەۋدە تاجىريبەسى جوعارى. ءوزىمىزدىڭ ۇزدىك تەحنولوگيالاردى سىزدەردە ەنگىزۋگە ابدەن بولادى. بىرلەسكەن بيزنەس جوبالاردى جۇزەگە اسىرۋعا بارىنشا قولداۋ كورسەتەمىز» ، - دەدى ا ق ش ەلشىسى.
سولتۇستىك قازاقستان وبلىسىنىڭ ا ق ش- پەن قارىم- قاتىناسى دامىپ كەلەدى. وڭىردە امەريكالىق اۋىل شارۋاشىلىعى تەحنيكاسى ۇلكەن سۇرانىسقا يە. بيىلعى جىلدان باستاپ ا ق ش- قا سولتۇستىك قازاقستاندىق كىلەگەي ەكسپورتتالادى. گۋمانيتارلىق سالادا دا بايلانىس ورناعان.
