مەملەكەت باسشىسى اتىنا حالىقارالىق وليمپيادا كوميتەتى پرەزيدەنتىنەن حات كەلىپ ءتۇستى

نۇر- سۇلتان. قازاقپارات - مەملەكەت باسشىسىنىڭ اتىنا حالىقارالىق وليمپيادا كوميتەتىنىڭ پرەزيدەنتى توماس باحتىڭ قۇتتىقتاۋ حاتى كەلىپ ءتۇستى، دەپ حابارلايدى قازاقپارات پرەزيدەنتتىڭ باسپا ءسوز حاتشىسى بەرىك ۋاليگە سىلتەمە جاساپ.

اسا ءىرى سپورت ۇيىمىنىڭ باسشىسى قاسىم- جومارت توقايەۆتىڭ پرەزيدەنت لاۋازىمىنا تاعايىندالۋىنا وراي جىلى لەبىز ءبىلدىرىپ، الداعى قىزمەتىنە تابىس تىلەدى.

توماس باح قازاقستاننىڭ وليمپيادالىق قوزعالىستاعى بەلسەندىلىگىنە جوعارى باعا بەرىپ، پرەزيدەنت قاسىم- جومارت توقايەۆتىڭ سپورتقا دەگەن ىقىلاسىن اتاپ ءوتتى.

حاتتا ح و ك- ءتىڭ قازاقستان ۇكىمەتىمەن جانە ۇلتتىق وليمپيادالىق كوميتەتىمەن تىعىز ءارى جەمىستى ىنتىماقتاستىقتى ودان ءارى جالعاستىرۋعا نيەتتى ەكەنى ايتىلعان.