باتىس ەۋروپا - باتىس قىتاي دالىزىنەن جىل سايىن قانشا تابىس تۇسەدى؟
مينيسترلىكتىڭ دەرەگىنشە، اتالمىش قۇرلىقارالىق ءدالىزدىڭ جالپى ۇزىندىعى - 8445 شاقىرىم.
«باتىس ەۋروپا - باتىس قىتاي» ترانسكونتينەنتالدىق ءدالىزى 3 مەملەكەتتىڭ اۋماعىمەن وتەدى. ولار: قىتاي-قازاقستان (%25)، قىتاي-ورتالىق ازيا (%35) جانە قىتاي-قازاقستان-رەسەي-باتىس ەۋروپا (%40). حالىقارالىق جول وسى ايماقتار بويىنشا جۇك تاسىمالداۋدى قامتاماسىز ەتەدى»، - دەلىنگەن مينيسترلىكتىڭ مالىمەتىندە.
2019-جىلدىڭ العاشقى 5 ايىندا اتالعان ءدالىز ارقىلى 650 مىڭ توننا ترانزيتتىك جۇك وتكەن ەكەن.
«بۇگىندە ءدالىزدىڭ ورتاشا جىلدىق تيىمدىلىگى - شامامەن 195 ميلليارد تەڭگە. بۇل كورسەتكىش جىلدان-جىلعا وسۋدە. 2018-جىلدىڭ قورىتىندىسى بويىنشا قازاقستان ارقىلى وتكەن ترانزيتتىك جۇكتىڭ كولەمى - 1,637 ميلليون توننا. ونىڭ 90 پايىزى وسى باتىس ەۋروپا-باتىس قىتاي اۆتوموبيل دالىزىنە تيەسىلى. ناقتىراق ايتساق، ءدالىز ارقىلى 1,47 ميلليون توننا جۇك تاسىمالدانعان»، - دەيدى مينيسترلىك وكىلدەرى.