08:10, 08 - شىلدە 2019 | GMT +6
قاسىم-جومارت توقايەۆ اۋعان حالقىنا كوڭىل ايتتى
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ اۋعانستاننىڭ گازني قالاسىنداعى تەرروريستىك اكتىگە بايلانىستى ەل پرەزيدەنتى اشراف عاني احمادزاي مەن اۋعان حالقىنا كوڭىل ايتتى، دەپ حابارلايدى قازاقپارات پرەزيدەنتتىڭ Twitter پاراقشاسىنا سىلتەمە جاساپ.
«اۋعانستان پرەزيدەنتى عاني مىرزاعا جانە اۋعان حالقىنا گازني قالاسىنداعى كوپ ادامنىڭ ولىمىنە سەبەپشى بولعان تەرروريستىك اكتىگە بايلانىستى قايعىرىپ كوڭىل ايتامىن»، - دەپ جازدى مەملەكەت باسشىسى.
ەسكە سالا كەتەيىك، جەكسەنبى كۇنى اۋعانستاننىڭ شىعىسىنداعى گازني قالاسىندا بولعان جارىلىستان 12 ادام قازا تاۋىپ، 179 تۇرعىن زارداپ شەككەن بولاتىن.
