ماسكەۋدەگى قىزىل الاڭدا قازاقستاندىقتار كۇمبىرلەتە كۇي شەرتتى

ماسكەۋ. قازاقپارات - رەسەي استاناسىندا تىرشىلىك كەشىپ جاتقان ءۇش قازاقستاندىق ماسكەۋدەگى قىزىل الاڭدا كۇمبىرلەتە كۇي شەرتتى، دەپ حابارلايدى قازاقپارات ر ف- دەگى ق ر ەلشىلىگىنىڭ رەسمي سايتىنا سىلتەمە جاساپ.

ايتا كەتكەن ءجون، شىلدەنىڭ العاشقى جەكسەنبىسىن ۇلتتىق اسپابىمىزدىڭ ءتول مەرەكەسىنە اينالدىرۋ تۋرالى شەشىم ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ جارلىعىمەن بىلتىر قابىلدانعان بولاتىن. بۇل جارلىق ۇلتتىق مادەنيەت پەن بىرەگەيلىكتى ساقتاۋ مەن قايتا جاڭعىرتۋ يدەياسىنىڭ توڭىرەگىندە قوعامدى ودان ءارى توپتاستىرۋ ماقساتىندا شىعارىلعان ەدى. مىنە بيىل «ۇلتتىق دومبىرا كۇنى» مەيرامىن قازاقستان جۇرتشىلىعى ەكىنشى رەت تويلاپ جاتىر.

ەكى شەكتىڭ مەرەكەلى ءۇنىن بۇگىن قازاق دالاسىنىڭ ءار تۇكپىرىنەن عانا ەمەس، ماسكەۋدەن دە ەستۋگە بولادى.

رەسەيدە تۇرىپ جاتقان باۋىرلارىمىز ءۇشىن «دومبىرا كۇنىنىڭ» ەرەكشە ەكەندىگىن بەينەسيۋجەتتەگى جۇرەكجاردى تىلەكتەرىنەن دە ايقىن اڭعارۋعا بولادى.