نان قانداعى قانت دەڭگەيىن تومەندەتەدى

نۇر-سۇلتان. قازاقپارات - ءبۇتىن ءداندى جانە بيداي نانى دەنساۋلىق ءۇشىن اسا ماڭىزدى. ول ديابەتتىڭ ءورشۋ قاۋپىنىڭ الدىن الادى.

شىعىس فينليانديا ۋنيۆەرسيتەتى ماماندارى زەرتتەۋ جۇرگىزىپ، جاسۇنىققا باي ءبۇتىن ءداندى ناندى ءجيى تۇتىنۋ قانداعى قانت دەڭگەيىن تومەندەتۋگە جانە ەكىنشى دارەجەلى ديابەتتىڭ ءورشۋ قاۋپىنىڭ الدىن الاتىنىن دالەلدەگەن.

قارا جانە بيداي نانى دا ينسۋلينگە توتەپ بەرۋ رەاكسياسىن جاقسارتادى، ال اق ناننىڭ قانتى جوعارى ادامدارعا دا، دەنى ساۋ ادامدارعا دا اسا پايداسى جوق ەكەنى دالەلدەنگەن.

ءبۇتىن ءداندى نان ديابەتتىڭ ءورشۋىنىڭ الدىن الاتىنى بۇعان دەيىن دە ايتىلعان. مۇنداي اسەر ناننىڭ قۇرامىنداعى جاسۇنىقتا بولىپ وتىر. ول مەتابوليزمگە اسقازان-ىشەك جولدارى ارقىلى تىكەلەي اسەر ەتەدى، دەپ جازادى Xinhua.

ءبۇتىن داننەن جاسالعان نان ارىقتاۋ ءۇشىن دە پايدالى ەكەنى ءمالىم. كۇندەلىكتى ءبۇتىن ءداندى ناننىڭ بىرنەشە تىلىگىن جەۋ سالماقتى قالىپتا ساقتاۋعا جانە ارتىق كالوريالاردى كەتىرۋگە اتسالىسادى.

 

دەرەككوز: رەاكتور