ادامنىڭ تابىستى بولۋىنا گەنى اسەر ەتەدى - زەرتتەۋ

نۇر-سۇلتان. قازاقپارات - عالىمداردى پايىمىنشا، ادامنىڭ تابىسىنا گەن دەنساۋلىق، اقىل وي قابىلەتى، جەكە قاسيەتتەر مەن قاۋىپكە بارۋ تاۋەكەلىنە قاراي اسەر ەتەدى.

«بىرەۋلەر از اقشا تاپسا، بىرەۋلەر وڭايلىقپەن كوپ اقشا تابادى. عالىمداردىڭ ايتۋىنشا، ەڭبەكاقى مولشەرىنىڭ دەڭگەيى ادامنىڭ گەنىنە بايلانىستى. بۇل تۋرالى فين عالىمدارى جۇرگىزگەن زەرتتەۋ ناتيجەلەرىندە ايتىلعان.

زەرتتەۋگە 1950-1957 -جىلدار ارالىعىندا دۇنيەگە كەلگەن ەگىزدەر قاتىسقان»، دەپ جازادى فينليانديانىڭ Helsingin Sanomat باسىلىمى.

اۆتوردىڭ ايتۋىنشا، كوپ جاعدايدا تابىستى ادامدار وزدەرىنىڭ وسى دەڭگەيگە جەتكەنى ءۇشىن اتا-اناسىنا العىس ايتىپ جاتادى. دەگەنمەن، ادامنىڭ تابىستى بولۋىنا وتباسىنداعى تاربيەدەن گورى گەننىڭ اسەرى كوبىرەك بولىپ شىقتى.

«پسيحوگەنەتيكا تۋرالى زەرتتەۋ جۇرگىزگەن عالىمدار «ەكونوميكالىق تەڭسىزدىك تۋرالى» (The Journal of Economic Inequality) جۋرنالدا ماقالا جاريالاپ، زەرتتەۋ ناتيجەلەرىمەن ءبولىستى. ولاردىڭ ايتۋىنشا، ەڭبەكاقى مەن كاپيتال تابىسى ەڭ الدىمەن ادامنىڭ گەنىنە بايلانىستى بولادى. «گەننىڭ تابىسقا اسەرى ەرلەردە %54، ايەلدەردە %39 بايقالعان. عالىمداردىڭ ايتۋىنشا، ايەلدەر كەيدە ۇيدە وتىرۋدى تاڭدايتىندىقتان، ولاردىڭ تابىسىنا گەننىڭ اسەرى از بايقالادى»، - دەيدى االتو ۋنيۆەرسيتەتىنىڭ ەكونوميكا پروفەسسورى يلماكۋنناس.

عالىمداردى پايىمىنشا، ادامنىڭ تابىسىنا گەن دەنساۋلىق، اقىل وي قابىلەتى، جەكە قاسيەتتەر مەن قاۋىپكە بارۋ تاۋەكەلىنە قاراي اسەر ەتەدى.

«زەرتتەۋدە 33-59 جاس ارالىعىنداعى 1950-1957 جىلدارى دۇنيەگە كەلگەن ادامداردىڭ تابىسى ەسكەرىلدى. ەگىزدەردى سالىستىرا كەلە عالىمدار ادام تاعدىرىنا گەننىڭ اسەرى بارىنا تاعى ءبىر كوز جەتكىزىپ، ادامنىڭ تابىستى بولۋىنا دا گەن اسەر ەتە الاتىنىن انىقتادى. ورتاق گەنى بار ەگىزدەردە كوبىنە تابىس كولەمى ءبىر دەڭگەيدە بولعان. ولار ەكى جاقتا تاربيەلەنگەنىنە قاراماستان، تابىستى بولعان»، - دەپ جازادى اۆتور.