قىتاي مەن ا ق ش اراسىندا ساۋدا كەلىسسوزدەرى قايتا جاندانباق
ءبىر ساعاتقا سوزىلعان كەزدەسۋدەن كەيىن پرەزيدەنت ترامپ قىتايمەن ساۋدا كەلىسسوزدەرى قايتا جانداناتىنىن، جاڭا تاريفتەر ەنگىزۋ كەيىنگە قالدىرىلعانىن مالىمدەدى. «ءبىز قاجەت جولعا قايتا تۇستىك بۇدان نە شىعاتىنىن كورەمىز» ، - دەدى ترامپ كەزدەسۋدەن كەيىن.
ءسال كەيىنىرەك سامميتتەگى سوڭعى باسپا ءسوز ءماسليحاتى بارىسىندا ترامپ جۋرناليستەرگە ەگەر قىتايمەن ورتاق كەلىسىم تابىلماسا، قازىرگى باج سالىعى قالاتىنىن اتادى. «مەن ازىرگە قىتاي ءۇشىن تاريفتەردى كوتەرمەۋگە ۋادە بەردىم. ياعني ەلەۋلى سوما قوسپايمىز» ، - دەدى ول جۋرناليستەرگە. سونداي- اق، ترامپ ا ق ش پەن قىتاي اراسىنداعى كەلىسسوزدەر توقتاعان جەرىنەن قايتا جانداناتىنىن ايتتى. «كەزدەسۋ تاماشا ءوتتى. كەلىسسوزدەر جالعاساتىن بولادى» ، - دەدى ترامپ.
Xinhua جاڭالىقتار اگەنتتىگى دە ەكى ەل اراسىنداعى ەكونوميكالىق جانە ساۋدا كەلىسىمدەرى قايتا جانداناتىنىن حابارلاۋدا. كەزدەسۋ كەزىندە شي جينپين قىتايدىڭ ساۋدا كەلىسسوزدەرىن جالعاستىرۋعا جانە ا ق ش- پەن الاۋىزدىقتى جەڭىلدەتۋگە نيەتتى ەكەنىن اتاپ ءوتتى. ونىڭ ايتۋىنشا، كەلىسسوزدەر تەڭدىككە جانە ءوزارا قۇرمەتكە نەگىزدەلىپ، قوس تاراپتىڭ دا زاڭدى مۇددەلەرىن نازارعا الۋى ءتيىس. شي جينپين الەمدەگى ەڭ ۇلكەن ەكى ەكونوميكا سايىپ كەلگەندە ءوزارا ءتيىمدى شەشىمگە كەلىپ، پىكىر الماسۋ مەن كەڭەستەر ارقىلى تۇسىنبەستىكتەردى رەتتەۋگە مىندەتتى ەكەنىن ايتتى. ول قىتاي مەن ا ق ش ىنتىماقتا بولسا عانا ۇتىپ، الاۋىز بولسا ۇتىلاتىنىن ايرىقشا اتادى. «ىنتىماق پەن ديالوگ كەلىسپەۋشىلىك پەن كونفرونتاتسيادان جاقسى» ، - دەدى ول ترامپپەن كەزدەسۋ بارىسىندا.
CNN مالىمەتتەرى بويىنشا، ترامپ پەن شي جينپين رەسمي كەزدەسۋگە دەيىن دە سويلەسىپ ۇلگەرگەن. ول تۋرالى ترامپ سەنبى كۇنگى رەسمي تاڭعى اس ۇستىندە ايتتى.
« ءبىز كەشە كەشكە جۇزدەسىپ، كوپ كەلىسىمگە قول جەتكىزدىك. قىتايمەن قارىم- قاتىناسىمىز وتە جاقسى. ءبىر مامىلەگە كەلە الامىز با، جوق پا، ونى ۋاقىت كورسەتەدى» ، - دەدى ول.
ايتا كەتۋ كەرەك، وساكاداعى كەزدەسۋدى ەكى ەل باسشىلارى دا مامىرداعى ساۋدا كەلىسىمدەرى ءساتسىز اياقتالعاننان بەرى اسىعا كۇتىپ جۇرگەن بولاتىن. ال ساراپشىلار وساكا كەزدەسۋىنەن ورتاق مامىلە دە، جاڭا تاريفتەر دە كۇتۋگە بولاتىنىن ەسكەرتكەن. ەسكە سالساق، جاپونيادا G20 ءسامميتى ءوتىپ جاتقانى تۋرالى بۇعان دەيىن حابارلاعان بولاتىنبىز.
