قازاقستاندا قاجىلىققا ۆيزا الۋ جەڭىلدەيدى
اتالعان جۇيە رامازان ايىندا تاجىريبە رەتىندە ەنگىزىلگەن بولاتىن. ناتيجەسىندە ۇمراعا كەلۋشىلەر سانى 30 پايىزعا ارتقان.
ويتكەنى الەمنىڭ كەيبىر ەلدەرىندە كورولدىكتىڭ كونسۋلدىق قىزمەت كورسەتۋ ورتالىقتارىنىڭ بولماۋىنىڭ سەبەبىنەن قيىندىقتار بولاتىن. وسىعان وراي ساۋد ارابيانىڭ قاجىلىق جانە ۇمرا مەن سىرتقى ىستەر مينيسترلىگى بىرلەسىپ وسى باستامانى قولعا العان.
«بيىلدان باستاپ ەلىمىزدەن باراتىن بارلىق قاجىلار وسى جۇيەنى قولدانادى. مۇنىڭ ۇتىمدى تۇسى كوپ. ەندى قاجىلىق-2019 ماۋسىمىنا وتانداستارىمىزعا قىزمەت ۇسىنىپ وتىرعان ەلىمىزدەگى قاجىلىقپەن اينالىسۋعا قابىلەتتى دەپ تانىلعان تۋرفيرمالار پارىزىن وتەۋشىلەردىڭ ۆيزاسىن نۇر-سۇلتان قالاسىنداعى ساۋد ارابياسىنىڭ ەلشىلىگىنە ءتولقۇجات ۇسىنباي-اق ەلەكتروندى جۇيە ارقىلى راسىمدەي الادى. بۇعان دەيىن ۆيزا الۋدىڭ ۋاقىتى بىرنەشە كۇنگە سوزىلسا، قازىر ءبىر ساعاتتا دايىن بولادى. وسىنداي ەلەكتروندى ۆيزا بەرۋ ۇدەرىسىنە كوشكەن ساۋد ارابياسى تاياۋ شىعىس ايماعىنداعى ۇكىمەتتىك ەلەكتروندى قىزمەتتى قولعا العان العاشقى ەل. مۇنداي وزگەرىس ءتىپتى بىزدەگى قاجىلىق كومپانيالارى ءۇشىن دە ءتيىمدى ەكەنىن ايتقىم كەلەدى» دەيدى ق م د ب قاجىلىق ءبولىمىنىڭ مەڭگەرۋشىسى ءجاندىللا بەكجىگىتوۆ.
ايتا كەتەيىك بۇعان دەيىن پارىزىن وتەۋشىلەردىڭ قۇجاتتارى ءار وبلىستان جينالىپ، نۇر-سۇلتان قالاسىنا جەتكىزىلەتىن. ەندى ءاربىر قاجىلىق فيرمالارى ءوز كەڭسەسىنەن قاجەتتى قۇجاتتاردى راسىمدەپ، ۆيزا الۋدىڭ جەڭىل تۇرىنە قول جەتكىزبەك.
