سولتۇستىك كورەياداعى قۇرعاقشىلىق: وڭتۇستىك كورەيا كومەكتەسپەك
بۇل تۋرالى Yonhap اگەنتتىگىنە ك ح د ر-دەگى قارىم-قاتىناسقا جەتەكشىلىك ەتەتىن بىرلەستىك مينيسترلىگىندەگى دەرەككوز حابارلاعان.
«قارجى ب ۇ ۇ شوتىنا سەيسەنبى نەمەسە سارسەنبى كۇنى اۋدارىلادى»، - دەپ اتاپ ءوتتى ول.
2019 -جىلى ك ح د ر قۋاڭشىلىق دەڭگەيى رەكوردتىق كورسەتكىشكە جەتتى. قاڭتاردان 15 -مامىرعا دەيىنگى ارالىقتا بۇل ەلدە 56,3 م م جاۋىن-شاشىن جاۋعان. بۇل سوڭعى 102 جىلداعى ەڭ تومەنگى كورسەتكىش.
ب ۇ ۇ دۇنيەجۇزىلىك ازىق-تۇلىك باعدارلاماسى (د ا ت ب) وكىلدەرى رەسپۋبليكاعا ازىق-تۇلىك جەتكىزۋ جاعدايىن قاداعالاپ وتىر. ۇيىمنىڭ حابارلاۋىنشا، رەسپۋبليكانىڭ 10 ميلليوننان استام تۇرعىنىنا ازىق-تۇلىك جەتپەي جاتىر جانە كەلەسى ەگىنگە دەيىن ازىق-تۇلىك تاپشىلىعى تۋىندايدى.
2018 -جىلى ك ح د ر-دە اۋا رايىنىڭ قولايسىزدىعىنا بايلانىستى ءونىم سوڭعى 10 جىلداعى ەڭ تومەنگى كورسەتكىشتى كورسەتكەن. د ا ت ب باعالاۋىنشا، ەگەر بيىل دا ەگىن شىقپاسا، ەلدىڭ ميلليونداعان ازاماتىنا اشارشىلىق قاۋپى ءتونىپ تۇر.
