ەۋرازيالىق ەكونوميكالىق وداق ەلدەرى مەن قىتاي كەدەن ارقىلى وتەتىن تاۋار تۋرالى اقپارات الماسادى
قۇجات پەتەربۋرگ حالىقارالىق ەكونوميكالىق فورۋمىندا قابىلداندى. كەلىسىم- شارت كەدەندىك وپەراتسيالاردى جەدەلدەتۋ جانە ەۋرازيالىق وداق ايماعىنا قاۋىپتى نەمەسە تىيىم سالىنعان تاۋارلاردىڭ ەنۋىنىڭ الدىن الۋعا باعىتتالعان. وسىمەن بىرگە فورۋمدا وداق ەلدەرىنىڭ ساراپشىلارى مەن ساياساتكەرلەرى باس قوسىپ، ينتەگراتسيانىڭ پەرسپەكتيۆالى باعىتتارىن تالقىلادى.
ءاليحان سمايلىوۆ، ق ر پرەمەر- ءمينيسترىنىڭ ءبىرىنشى ورىنباسارى:
- ءبىز ىشكى ورتاق نارىقتا ءبىر- بىرىمىزبەن باسەكەلەس بولماۋدىڭ قاجەتتىگىن جانە ۇجىمداسۋ مەن ينتەگراتسيالىق جوبالاردى جۇزەگە اسىرۋ ماسەلەلەرىن تالقىلادىق. مەنىڭشە، ستراتەگيالىق تۇرعىدان وسى باعىتتا بىرىگىپ جۇمىس ىستەۋىمىز كەرەك.
ۆيكتور حريستەنكو، ە ا ە و ىسكەرلىك وداعىنىڭ پرەزيدەنتى:
- ءوزارا ساۋدانى ۇلعايتۋ جانە ءۇشىنشى ەلدەرمەن قاتىناستارعا قاتىستى بارلىق كورسەتكىشتەر وڭ. ولار ورتا ەسەپپەن الىپ قاراعاندا كەز كەلگەن الەمدىك كورسەتكىشتەن جاقسى. بۇل ينتەگراتسيانىڭ ءوز جەمىسىن بەرىپ جاتقانىن كورسەتەدى. باستىسى وداققا مۇشە ەلدەردىڭ ەكونوميكالىق ءال- اۋقاتىن كوتەرۋگە كومەكتەسەدى.
www.24.kz