استانادا جۇمىسسىزدارعا تەگىن كاسىپتىك كۋرستار جۇرگىزىلەدى

نۇر- سۇلتان. قازاقپارات - ەلوردادا جۇمىسسىزدارعا ارنالعان تەگىن كۋرستارعا جازىلۋ باستالدى، دەپ حابارلايدى قازاقپارات قالا اكىمدىگىنىڭ باسپا ءسوز قىزمەتىنە سىلتەمە جاساپ.

سۇرانىسقا يە ارنايى ماماندىقتار ءتىزىمى بويىنشا تۇرعىندار ءۇش اي وقىپ، شاكىرتاقى الا الادى.

«ناۋبايشى» ، «اسپاز» ، «كونديتەر» ، «تىگىنشى» ، «تاربيەشى» ، «انيماتسيا جانە بەينەگرافيكا» ، «ەلەكتر- گاز دانەكەرلەۋشى» ، «سلەسار- سانتەحنيك» ، «كران ءماشينيسى» ، «مانيكيۋر شەبەرى» سىندى سۇرانىسقا يە ماماندىقتار بويىنشا جۇمىسسىزدار تەگىن كۋرستارعا جازىلا الادى. وقۋدى ءساتتى اياقتاعان سوڭ، جاڭا بىلىكتىلىك تۋرالى كۋالىك بەرىلەدى جانە جۇمىسقا ورنالاسۋعا كومەك كورسەتىلەدى. وقۋ بارىسىندا  759 16 تەڭگە شاكىرتاقى تولەنەدى» ، - دەلىنگەن رەسمي حابارلامادا.

سونىمەن بىرگە، «استانا» ا ك ك ارقىلى كاسىپكەرلىكتى دامىتۋ اياسىندا تۇرمىسى تومەندەرگە قولداۋ كورسەتىلىپ جاتىر. ماسەلەن، جىل سايىن ساۋدا پاۆيلوندارى ءۇشىن جەر تەلىمدەرىن جالعا بەرۋ كۆوتاسى بار. جىل سايىن 15 جەر تەلىمى حالىقتىڭ از قامتىلعان توبىنا، ونىڭ ىشىندە كوپبالالى انالارعا ەش كونكۋرسسىز بولىنەدى.