ق ر پرەزيدەنتى: سىناۋ جانە باردى جوق قىلۋ - وڭاي
«بۇگىنگى يگى ىستەرىمىزدىڭ بارلىعى جاستارعا ارنالعان. سىناۋ جانە باردى جوق قىلۋ - وڭاي، ال جاسامپازدىقتىڭ جولى - قيىن. ءىزىمىزدى باسقان جاس بۋىنعا زور ءۇمىت ارتامىز. بۇكىل مەملەكەتتىك جۇيەنى قامتيتىن رەفورمالار جالعاسىن تابادى»، - دەدى مەملەكەت باسشىسى.
ايتا كەتەيىك، پرەزيدەنت بۇعان دەيىن ەل جاستارىن ءبىلىمدى، ۇشقىر ويلى ءارى وتانىنا ادال دەپ بىلەتىنىن جازعان ەدى.
«بيلىك پەن قوعامنىڭ ديالوگى قازاقستاننىڭ دامۋى جانە ونىڭ قۋاتىن ارتتىرۋ تۋرالى سان الۋان پىكىرلەردى نەگىزگە الۋى ءتيىس. بۇل - ۇلت بىرلىگى مەن ەل تۇراقتىلىعىن كۇشەيتۋدىڭ باستى جولى. ءبىزدىڭ جاستارىمىز ءبىلىمدى، ۇشقىر ويلى، وتانىنا ادال! ولار ءوز ارماندارىنا قول جەتكىزۋى ءۇشىن بارلىق مۇمكىندىكتەر جاسالادى»، - دەدى ول.
ەلباسى نۇرسۇلتان نازاربايەۆ 2019 -جىلدى جاستار جىلى رەتىندە جاريالاعان بولاتىن.