سايلاۋ ۋچاسكەڭىزدى قالاي وڭاي تابۋعا بولادى

نۇر-سۇلتان. قازاقپارات - 2019 -جىلدىڭ 9 -ماۋسىمىندا قازاقستاندا كەزەكتەن تىس پرەزيدەنتتىك سايلاۋ وتەدى.

وسى ورايدا داۋىس بەرۋگە بارماستان بۇرىن قاي سايلاۋ ۋچاسكەسىنە تىركەلگەنىڭىزدى بىلگەن ابزال، دەپ حابارلايدى قازاقپارات ءتىلشىسى.

ونىڭ بىرنەشە جولى بار. اتاپ ايتار بولساق، سايلاۋ ۋچاسكەسىن ءبىلۋ ءۇشىن Instagram-داعى @smartastana2019 پاراقشاسىندا direct-كە جازىڭىز نەمەسە مىنا wa.me/77767469241?text=sailau2019 سىلتەمەگە وتۋىڭىزگە بولادى.

سونىمەن قاتار، Smart Astana موبيلدى قوسىمشاسى (قالا قىزمەتتەرى ءبولىمى) ارقىلى دا سايلاۋ ۋچاسكەڭىزدى بىلۋگە مۇمكىنشىلىك بار. ەكى جاعدايدا دا ارنايى جولاققا ءوزىڭىزدىڭ جسن ءنومىرىڭىزدى، تەگىڭىزدى، اتىڭىزدى جانە اكەڭىزدىڭ اتىن نەمەسە تۇرعىلىقتى مەكەن جايىڭىزدى ەنگىزۋىڭىز قاجەت. سيفرلىق كومەكشىلەر بارلىعىن ايتىپ، ءتىپتى سايلاۋ ۋچاسكەسىنىڭ ورنالاسقان جەرىن دە كورسەتەدى.