ق ر پرەزيدەنتى قازىرگى قازاقستاندىق جاستار تۋرالى ءوز ويىن ايتتى

نۇر-سۇلتان. قازاقپارات - ءبىزدىڭ جاستار - اقىلدى، كرەاتيۆتى، پاتريوت. بۇل تۋرالى ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات.

«بيلىك پەن قوعامنىڭ ديالوگى قازاقستاننىڭ دامۋى جانە ونىڭ قۋاتىن ارتتىرۋ تۋرالى سان الۋان پىكىرلەردى نەگىزگە الۋى ءتيىس. بۇل - ۇلت بىرلىگى مەن ەل تۇراقتىلىعىن كۇشەيتۋدىڭ باستى جولى. ءبىزدىڭ جاستارىمىز ءبىلىمدى، ۇشقىر ويلى، وتانىنا ادال! ولار ءوز ارماندارىنا قول جەتكىزۋى ءۇشىن بارلىق مۇمكىندىكتەر جاسالادى»، - دەپ جازدى پرەزيدەنت ءوزىنىڭ twitter پاراقشاسىندا.

ەسكە سالا كەتسەك، ەلباسى قازاقستان حالقىنا جولداۋىندا 2019 -جىلدى جاستار جىلى دەپ جاريالاۋدى ۇسىنعان بولاتىن.

نۇرسۇلتان نازاربايەۆ ءوز سوزىندە جاستاردىڭ بارلىق ساناتىن قولداۋعا ارنالعان شارالاردى تولىق قامتيتىن الەۋمەتتىك ساتىنىڭ اۋقىمدى پلاتفورماسىن قالىپتاستىرۋ كەرەكتىگىن ايتقان ەدى. سونداي-اق، ەلباسى جارلىعىمەن 2019 -جىل جاستار جىلى دەپ جاريالاندى.