21:33, 06 - ماۋسىم 2019 | GMT +5
ا ق ش بازاسىنىڭ شۋى ءۇشىن جاپونيانىڭ فۋسسا قالاسى تۇرعىندارىنا وتەماقى تولەنەدى
نۇر- سۇلتان. قازاقپارات - توكيونىڭ جوعارعى سوتى جاپونيا ۇكىمەتىنە ا ق ش- تىڭ يوكوتا اسكەري بازاسىنان شىققان شۋ ءۇشىن فۋسسا قالاسىنىڭ (استانالىق پەرفەكتۋرا قۇرامىنا كىرەدى) تۇرعىندارىنا 7 ميلليون ا ق ش دوللارى كولەمىندە وتەماقى تولەۋدى مىندەتتەدى.
وتەماقىنى ۇيلەرى اسكەري بازاعا كورشىلەس ورنالاسقان مىڭعا جۋىق ادام الادى، دەپ حابارلادى بۇگىن، بەيسەنبىدە Kyodo اگەنتتىگى.
«بازادان شىققان شۋ شامادان اسىپ كەتكەن. قالا تۇرعىندارىنىڭ كۇندەلىكتى ءومىرىن بۇزىپ، ەموتسيالىق تۇرعىدان قاجىتىپ جىبەرگەن»، - دەدى سوت ءتوراعاسى سيگەرۋ ناكانيسي.
يوكوتا سولتۇستىك- باتىس تىنىق مۇحيت ايماعىنداعى ا ق ش- تىڭ ەڭ ءىرى اسكەري- كولىك اۋە بايلانىسى قىزمەتىن اتقارادى. بۇل جەردە سونداي- اق، جاپونياداعى ا ق ش قارۋلى كۇشتەرىنىڭ شتابى ورنالاسقان.