اكىممەن بىرگە تاڭعى اس: بولات باقاۋوۆ كاسىپكەرلەرمەن بەيرەسمي كەزدەستى
بولات باقاۋوۆ كاسىپكەرلەرگە قىزىقتىرعان بارلىق سۇراقتارىن قويۋدى ۇسىندى. ونىڭ ايتۋىنشا، بۇگىنگى كۇنى بيلىك حالىقپەن ءتۇرلى تاسىلدەر ارقىلى، ونىڭ ىشىندە ونلاين-رەجىمدە تىلدەسۋگە تىرىسۋدا. ال پاۆلودار وبلىسىنىڭ بيزنەسمەندەرىمەن كەرى بايلانىس ورناتۋ ءۇشىن جەكە الاڭدار قۇرۋ جوسپارلانىپ وتىر.
«مەن ءاربىر كاسىپكەرگە جەكە كوڭىل اۋدارامىن. ش و ب وكىلدەرى بەلسەندى جانە ءتيىمدى جۇمىس جاساۋى ءۇشىن بىزگە نە ىستەۋ كەرەكتىگىن ايتىڭىزدار. ءبىز جەكە سەكتوردى قولداۋ مەن ىنتىماقتاستىقتىڭ بارلىق نۇسقالارىن قاراستىرۋعا دايىنبىز. سىزدەر كەز كەلگەن سۇراقتى قويا الاسىزدار. ال، ءبىز جاقىن ارادا ولارعا جاۋاپ بەرەمىز»، - دەدى ايماق باسشىسى.
كاسىپكەرلەر بۇل قارىم-قاتىناستىڭ فورماتىن قولدادى. تاڭعى استا كەزدەسۋ ولاردىڭ كوپشىلىگىنە تەك ءوز ويلارىمەن ءبولىسىپ قانا قويماي، الەۋەتتى سەرىكتەستەرمەن جولىعىپ، باسقا كاسىپكەرلەرمەن دە ىنتىماقتاستىق ورناتۋعا مۇمكىندىك بەردى.
«بيزنەس مۇنداي كەزدەسۋلەرگە مۇقتاج. ويتكەنى، بىزدە مەملەكەتتىك قىزمەتكەرلەرگە قوياتىن سۇراقتار ءجيى بولادى. سوندىقتان وبلىس باسشىلىعىنىڭ كاسىپكەرلەرگە بارلىق ەسىكتەردى اشۋعا دەگەن ۇمتىلىسىن تولىعىمەن قولدايمىز»، - دەدى «ەrtis Business Association» كاسىپكەرلەر قاۋىمداستىعىنىڭ ءتوراعاسى اسلان كۋنياروۆ.
ىسكەرلىك تاڭعى اسقا جينالعانداردىڭ الدىندا نۇر-سۇلتاننان كەلگەن قوناقتار ءسوز سويلەدى. ولاردىڭ ىشىندە قازاقستاندىق يندۋستريا جانە ەكسپورت ورتالىعى باسشىسىنىڭ ورىنباسارى تۇرار جولماعامبەتوۆ بولدى. ونىڭ ايتۋىنشا، بۇگىنگى كۇنى جوعارى وڭدەلگەن ونىمدەر شىعاراتىن كاسىپورىندار ەكسپورتتى ءوسىرۋ ءۇشىن قولداۋ تابا الادى. وڭىردەگى قۇبىرلار مەن كابەلدى وندىرۋشىلەر شەت ەلدەرگە ءونىم جەتكىزۋ ءۇشىن تاسىمالداۋ شىعىندارىنا 200 ميلليون تەڭگەگە دەيىن وتەماقى الا الادى.
«كاسىپكەر ۆەب-سايتتاردا نەمەسە باسپا بەتتەرىندە كەز كەلگەن قولداۋ باعدارلامالارى تۋرالى اقپارات كورگەندە، ول ادامدا قوسىمشا سۇراقتار تۋىندايدى. سول سەبەپتى، ءبىز بيزنەسمەندەرمەن ءتۇرلى ماسەلەلەردى تالقىلاپ الۋ ءۇشىن بۇنداي كەزدەسۋلەردى قۇپتايمىز. بەتپە-بەت كەزدەسۋ ءارقاشان ءتيىمدى بولىپ كەلەدى»، - دەدى يندۋستريا جانە ەكسپورت ورتالىعىنىڭ وكىلى.
ءبىر شىنىاياق شايدىڭ ۇستىندە بيزنەسمەندەر ءوز ماسەلەلەرى تۋرالى ايتىپ بەردى. مىسالى، «Fresh Milk» ج ش س باسشىسى ولەگ تولماچەۆ وندىرەتىن ءسۇت ونىمدەرىن شەت ەلگە جەتكىزۋدى ۇيىمداستىرا الماي جۇرگەندىگىن ءمالىم ەتتى.
«ءبىزدىڭ كومپانيا 2017 -جىلى گونكونگتاعى حالىقارالىق كورمەگە قاتىستى. 2018 -جىلى ءبىز لوندونعا اتتاندىق. سودان كەيىن شەتەلدىك كومپانيالارمەن بىرنەشە كەلىسىمشارتقا قول قويدىق. بۇگىن قايدا بولسىن حابارلاسساق تا، قۇجاتتارعا بايلانىستى ءتۇرلى كەدەرگىلەردىڭ كەسىرىنەن ونىمدەردى وزگە ەلگە جەتكىزۋدى باستاي الماي وتىرمىز. سىرتقى نارىققا شىعۋ ءۇشىن بىزگە كومەك قاجەت»، - دەپ سۇرادى بيزنەسمەن.
بارلىق قويىلعان سۇراقتارعا جاۋاپ بەرۋگە جانە مۇقتاج كاسىپكەرلەرگە بارىنشا قولداۋ كورسەتۋگە ۋادە بەرىلدى. سونىمەن قاتار، پاۆلودار وبلىسىنىڭ اكىمى ءۇش ايدا ءبىر رەت بيزنەسمەندەرمەن ىسكەرلىك تاڭعى استا كەزدەسۋگە ءسوز بەردى.