ەلوردادا وتەتىن حالىقارالىق جايدارمانعا بايان- ولگەي مەن نوعاي كومانداسى كەلە جاتىر
«رەسەيدەن باشقۇرتتار، نوعايلار مەن بالقارلار كەلەدى. سودان كەيىن موڭعوليادان بايان- ولگەي قۇراماسى كەلە جاتىر. سونىمەن بىرگە، قاراقالپاقستان قۇراماسى مەن قىرعىز رەسپۋبليكاسىنىڭ ويىنشىلارى دا ب ا ق سىناسپاققا ەلوردامىزعا شىقتى. قازاقستاننان ءتورت قۇراما قاتىسادى. ونىڭ ىشىندە جوعارعى ليگادا ويناپ جۇرگەن ءۇش كوماندا مەن بىرىككەن ۇلتتار قۇراماسى بار. بىرىككەن ۇلتتار قۇراماسى ءارتۇرلى ۇلتتاردان قۇرالعان. ونىڭ ىشىندە وزبەك، تۇرىك، كارىس پەن ورىس ازاماتتارى بار. ءبارى دە قازاق تىلىندە وينايدى» ، - دەيدى «جايدارمان» ويىندارىنىڭ جۇرگىزۋشىسى ەسەن ەلەۋكەن.
تۇركى جاستارىنىڭ ويىنى ەلورداداعى بەيبىتشىلىك جانە كەلىسىم سارايىندا وتەدى.
«الەمنىڭ تۇركى تىلدەس جاستارىنىڭ اراسىنداعى جايدارمان فەستيۆالىنىڭ اشىلۋى 12 - ماۋسىمدا بولادى. سول جەردە كەلگەن قۇرامالاردىڭ وكىلدەرىمەن اقىلداسىپ، ورتاق ليگا قۇرۋ تۋرالى ۇسىنىس تاستاعالى جاتىرمىز» ، - دەيدى ەسەن ەلەۋكەن.
ونىڭ ايتۋىنشا، تۇركى تىلدەس حالىقتاردىڭ جاستارى جايدارمان ويىندارىنا زور قىزىعۋشىلىق ءبىلدىرىپ وتىر.
«فەستيۆالدى وتكىزۋدە قولداۋ كورسەتىپ جاتقان ەلوردا اكىمدىگىنە العىس بىلدىرەمىز. حالىقارالىق جايدارماننىڭ وتكىزىلگەنىن ەستىگەن حالىقارالىق تۇركى اكادەمياسى دا ارنايى جۇلدە تىگىپ، قولداۋ بىلدىرۋدە. ەلوردا مەن قالا قوناقتارىنىڭ ءبارىن 14 - ماۋسىم كۇنى ساعات كەشكى 19.00 دە وتەتىن «جايدارمان» كەشىنە شاقىرامىز. كىرۋ تەگىن» ، - دەيدى ەسەن ەلەۋكەن.
ەسكە سالا كەتسەك، تۇركى تىلدەس جاستاردىڭ باسىن بىرىكتەرگەن حالىقارالىق «جايدارمان» ويىندارى العاش رەت 2017 -جىلى وتكىزىلدى. ول كەزدە قازاقستان كوماندالارىمەن بىرگە، شەتەلدىك مەيمانداردىڭ قازاق تىلىندە ونەر كورسەتۋى كورەرمەندەردىڭ زور ىقىلاسىنا يە بولعان. «جايدارمان» ويىنىندا وسكەمەننەن «التاي» ، قوستانايدان «ارۋ. ك ز» ، ۇيعىر ۇلتىنىڭ «لاعمان. كوم» ، باشقۇرتستاننىڭ «ۋفا» قۇراماسى مەن وزبەكستان كۆن- شىلەرى، قىرعىز رەسپۋبليكاسىنىڭ «پوزيتيۆ» ، الماتى وبلىسىنىڭ «جەتىسۋ» ، قازاقستاننىڭ نامىسىن قورعاعان «قازاق جىگىتتەرى» ، تاتارستاننىڭ «قازان» قۇراماسى مەن وڭتۇستىك قازاقستان قۇراماسى ءوزارا سىنعا تۇسكەن ەدى. باس جۇلدەنى ەكى جىل بۇرىن قىرعىز رەسپۋبليكاسىنىڭ «پوزيتيۆ» قۇراماسى جەڭىپ العان.