قازاقستاندا «ماڭعىستاۋ» اتاۋى قاشان پايدا بولدى؟
سونىڭ ءبىرى اقتاۋداعى امفيتەاتردا ۇيىمداستىرىلدى. قالا تۇرعىندارى تەاترلاندىرىلعان قويىلىمدى تاماشالاپ، تەڭىزگە جاقىن جەردە تۇرعان قازاق تايپالارى تۋرالى قۇندى مالىمەتتەرگە قانىقتى.
بۇرىن بەلگىسىز بولىپ كەلگەن كەيبىر دەرەكتى قازاقستاندىق جانە شەتەل عالىمدارى 1 جىل 6 التى ايدا انىقتاعان. قىزىل- قالا، التىنقازعان سەكىلدى كونە قالالار ورنىندا كەشەندى زەرتتەۋ جۇمىستارى جۇرگىزىلگەن ەدى. ناتيجەسىندە بەس جەراستى مەشىتى، 20 شىڭىراۋ قۇدىق پەن وسى شامادا تاڭبالى تاس تابىلدى. ولارعا سۇيەنە وتىرىپ، عالىمدار ءبىزدىڭ زامانىمىزدىڭ مىڭىنشى جىلىنان باستاپ تاريح بەتىندە «ماڭعىستاۋ» اتاۋىنىڭ پايدا بولعانىن ايتادى.
ءپانيا سارمۋرزينا، وبلىستىق مادەنيەت باسقارماسىنىڭ باسشىسى:
- «ماڭعىستاۋ» اتاۋىنىڭ تاريح بەتىندە پايدا بولۋىنىڭ مىڭ جىلدىعىنا بايلانىستى ءىس- شارالار بۇگىنگى كۇننەن باستاۋ الدى. وبلىس اكىمىمەن ارنايى ءىس- شارالار جوسپارى بەكىتىلگەن. عىلىمي- زەرتتەۋ جۇمىستارىن، سونىمەن قاتار وبلىس مەكتەپتەرىندە، وبلىستىق وقۋ ورىندارى مەن مادەني- اعارتۋ ورىندارىندا شارالار وتكىزۋ جوسپارلانىپ وتىر. 150 دەن استام شارا جوسپارعا ەندى.