مۇعالىمدەر مەن دارىگەرلەرگە ارنالعان يپوتەكا قاشان بەرىلە باستايدى
بۇل سۇراققا و ك ق-دا وتكەن باسپا ءسوز ءماسليحاتىندا «قازاقستان يپوتەكالىق كومپانياسى» ي ۇ» ا ق وكىلدەرى جاۋاپ بەردى، دەپ حابارلايدى قازاقپارات ءتىلشىسى.
«مەموراندۋمعا بۇگىن عانا قول قويىلدى. مينيسترلىكتەر ەندىگى كەزەكتە ءبىر- ەكى اپتانىڭ ىشىندە ءتىزىمىن بەرۋى ءتيىس (كەزەكتە تۇرعاندارداردىڭ). وسىدان كەيىن ءبىز كەزەكتە تۇرعان مۇعالىمدەر مەن دارىگەرلەردىڭ تولەم قابىلەتتىلىگىن تەكسەرەمىز. كەرەكتى قۇجاتتار بار ما، جوق پا - انىقتامالاردىڭ ءبارى زەردەلەنگەننەن كەيىن وسى جۇمىستى باستايمىز»، - دەدى «قازاقستان يپوتەكالىق كومپانياسى» ي ۇ» ا ق اتقارۋشى ديرەكتورى ماقسات مەڭدىبايەۆ.
ول ءوز سوزىنە قاراعاندا، ەكى مينيسترلىك كەزەكتە تۇرعانداردىڭ ءتىزىمىن دايىنداپ جاتىر. ول تىزىمدە قازاقستاننىڭ بارلىق ايماقتارىندا پاتەر كەزەگىندە تۇرعان ازاماتتار بار.
ال «ق ي ك» ي ۇ» ا ق باسقارما ءتوراعاسى ءادىل مۇحامەدجانوۆتىڭ ايتۋىنشا، الداعى 2-3 ايدا پاتەرلەر بەرىلە باستايدى.
«مۇعالىمدەر مەن دارىگەرلەردىڭ قانداي پاتەر العىسى كەلەتىنىنە بايلانىستى تولەم قابىلەتتىلىگى پىسىقتالادى. ورتاشا ەسەپپەن نۇر-سۇلتان نەمەسە الماتى قالاسى تۋرالى ايتار بولساق، ايلىق تولەم شامامەن 55 مىڭ تەڭگە بولادى. تيىسىنشە، بۇل تولەمدى اي سايىن جۇرگىزىپ تۇرۋ ءۇشىن وتباسىنىڭ كىرىسىنە قارايمىز. ياعني، كۇنكورىس مينيمۋمى مەن وتباسىنىڭ نەسيەسى بار ما، جوق پا - تەكسەرىلەدى. وسىنىڭ ءبارى زەردەلەنگەننەن كەيىن جاعدايى بارىن بىلسەك - ءبىز كەلىسىمشارت جاساسامىز. ونىڭ ۇستىنە كەپىلگەرلەردى تارتۋ مۇمكىندىكتەرىن دە قاراستىرىپ وتىرعانىمىزدى ايتتىق. دەمەك، وتباسىنىڭ كىرىسى جەتپەي جاتسا، كەپىلگەرلەردى تارتىپ، باسپانا الا الادى»، - دەدى ول.
ونىڭ ايتۋىنشا، مۇعالىمدەر مەن دارىگەرلەرگە جالعا بەرىلەتىن پاتەرلەر جاڭا بولادى.
ەسكە سالا كەتسەك، بۇگىن ەلوردادا قازاقستان يپوتەكالىق كومپانياسى مەن ق ر د س م، ق ر ب ع م اراسىندا «نۇرلى جەر» باعدارلاماسى بويىنشا ساتىپ الۋ قۇقىعىمەن تۇرعىن ۇيلەردى جالعا بەرۋ تۋرالى كەلىسىمدەرگە قول قويىلدى. اتالعان كەلىسىمدەر 3 مىڭ مۇعالىم مەن دارىگەردى ۇيمەن قامتۋدى كوزدەيدى.