ەربولات وسپانوۆ «باسپانا» يپوتەكالىق ۇيىمىنا باسشىلىققا كەلدى

نۇر-سۇلتان. قازاقپارات - ەربولات وسپانوۆ «باسپانا» يپوتەكالىق ۇيىمى» ا ق باسقارما ءتوراعاسى بولىپ سايلاندى، دەپ حابارلايدى قازاقپارات كومپانيانىڭ باسپا ءسوز قىزمەتىنە سىلتەمە جاساپ.

ق ر ۇلتتىق بانكىنىڭ شەشىمىمەن 2019 -جىلعى 5 -ماۋسىمنان باستاپ ەربولات سەرىك ۇلى وسپانوۆ «باسپانا» يپوتەكالىق ۇيىمى ا ق باسقارما ءتوراعاسى بولىپ سايلاندى.

ەربولات وسپانوۆتىڭ قارجى سەكتورىندا جانە مۇناي سالاسىندا باسشىلىق لاۋازىمداردا جۇمىس تاجىريبەسى بار.

2017 -جىلدان باستاپ ەربولات وسپانوۆ «قازاقستان يپوتەكالىق كومپانياسى» ي ۇ» ا ق- تىڭ تاۋەلسىز ديرەكتورى لاۋازىمىن (س ە و) اتقاردى. ءار ءتۇرلى ۋاقىتتا ول «Borgata Mayer Inc.» كومپانياسىندا سەو (باس ديرەكتور)؛ «KMG Kashagan B. V. » ج ش ج ك- دا ديرەكتوردىڭ سىرتقى بايلانىستار جونىندەگى ورىنباسارى؛ «ادجيپ قازاقستان نورت كاسپيان وپەرەيتينگ كومپاني ب. ۆ.» كومپانياسىندا جەرگىلىكتى قامتۋدى دامىتۋ دەپارتامەنتىنىڭ ديرەكتورى؛ «قازمۇنايگاز» ساۋدا ءۇيى» ا ق- تىڭ استانا فيليالى ديرەكتورىنىڭ ورىنباسارى؛ «الما-ترەيدينگ» ج ش س اتقارۋشى ديرەكتورى؛ «قازاقشەتساقتاندىرۋ» ج ا ق باسقارما ءتوراعاسى؛ «ونەركاسىپتىك ساقتاندىرۋ توبى» ا ا ق پرەزيدەنتى جانە باسقا دا لاۋازىمداردا جۇمىس ىستەدى.

ەربولات وسپانوۆ 1967 -جىلعى 25 -مامىردا دۇنيەگە كەلگەن. س. م. كيروۆ اتىنداعى قازاق مەملەكەتتىك ۋنيۆەرسيتەتىن «ماتەماتيكا» ماماندىعى بويىنشا، قازاقتىڭ مەملەكەتتىك باسقارۋ اكادەمياسىن «قارجى جانە كرەديت» ماماندىعى بويىنشا جانە لوس-اندجەلەس ۋنيۆەرسيتەتىن، كاليفورنيا UCLA، MBA باعدارلاماسى بويىنشا اياقتادى.

ق ر ۇلتتىق بانكى - «باسپانا» يپوتەكالىق ۇيىمى» ا ق- تىڭ جالعىز اكسيونەرى. «باسپانا» يپوتەكالىق ۇيىمى» «7-20-25» باعدارلاماسىنىڭ وپەراتورى رەتىندەگى نەگىزگى مىندەتى - يپوتەكالىق تۇرعىن ءۇي قارىزدارى بويىنشا تالاپ ەتۋ قۇقىقتارىن ساتىپ الۋ ارقىلى يپوتەكالىق تۇرعىن ءۇي كرەديتتەۋ نارىعىنىڭ قاتىسۋشىلارىن قايتا قارجىلاندىرۋ.