باس ءمۇفتي: ورازا ايت - وتباسىلىق مەرەكە

نۇر-سۇلتان. قازاقپارات - قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي سەرىكباي قاجى وراز قازاقستاندىقتاردى ايت مەرەكەسىمەن قۇتتىقتادى، دەپ حابارلايدى قازاقپارات.
None
None

«بارشاڭىزدى كۇللى مۇسىلمان ۇمبەتىنىڭ ۇلىق مەرەكەسى - ورازا ايتپەن قۇتتىقتايمىن. ءار وتباسىنا باق پەن بەرەكە، بىرلىك پەن يگىلىك تىلەيمىن. اللا تاعالا وتىز كۇن تۇتقان ورازامىزدى، جاساعان قۇلشىلىق- عيباداتىمىزدى، بەرگەن ساداقىمىزدى، بارشا يگى يمالىمىزدى قابىل ەتىپ، مول ساۋاپتان جازعاي! «ايت» ءسوزى - «مەرەكەلەۋ»، «حال سۇراسۋ»، «ءبىر-ءبىرىن قۋانتۋ»، «قۋانىشقا توپتالۋ»، «قارىمتا» دەگەن ماعىنالاردى بىلدىرەدى. اللا تاعالا بارشا وتباسىنا بەرەكەتىن جاۋدىرىپ، قاسيەتتى رامازان ايىندا ىجداھاتتىلىقپەن اۋىز بەكىتكەن جاماعاتتىڭ قۋانىشىن ارتتىرعاي!»، - دەلىنگەن باس ءمۇفتيدىڭ قۇتتىقتاۋىندا.

سونداي-اق، سەرىكباي قاجى وراز ورازا جابىرقاعان جاندى دەمەپ، قاريالاردى قۋانىشقا بولەپ، كومەككە مۇقتاج ادامنىڭ العىسى مەن باتاسىن الۋ - ول دا ساۋاپتى امالدىڭ ءبىرى ەكەندىگىن اتاپ ايتتى.

«ورازا ايت - وتباسىلىق مەرەكە. مەيرام كۇنى اتا- انامىزعا، كىشكەنتاي بۇلدىرشىندەرگە، اعايىن- تۋىستارعا سىيلىق ۇلەستىرىپ، ولاردى قۋانىشقا بولەۋ - مەرەكەنىڭ ءسانىن ارتتىرا تۇسەتىن يگى ءىس. جابىرقاعان جاندى دەمەپ، قاريالاردى قۋانىشقا بولەپ، كومەككە مۇقتاج ادامنىڭ العىسى مەن باتاسىن الۋ - ول دا ساۋاپتى امالدىڭ ءبىرى»، - دەدى باس ءمۇفتي.

 

سوڭعى جاڭالىقتار