20:07, 04 - ماۋسىم 2019 | GMT +5
جاپونيادا ايەلدەر بيىك وكشەلى تۋفلي كيۋگە قارسى شىقتى
نۇر - سۇلتان. قازاقپارات - جاپونيا اكتريساسى جانە جازۋشىسى يۋمي يسيكاۆا جۇمىس ۋاقىتىندا ارنايى درەسس- كودپەن بيىك وكشەلى تۋفلي كيۋدى مىندەتتەيتىن ەرەجەگە قارسى شىعىپ، پەتيتسيا جاريالادى.
ونىڭ يدەياسىن 19 مىڭ ادام قولداعان دەپ حابارلايدى news.ru.
يسيكاۆانىڭ سوزىنشە، ۇزاق جۇمىس ۋاقىتى كەزىندە بيىك وكشەلى اياق كيىممەن ءجۇرۋ ايەل ادامنىڭ دەنساۋلىعىنا زيان كەلتىرەدى ەكەن.
جازۋشىنىڭ سوزىنشە، بۇل قان اينالىمىن بۇزىپ، ومىرتقاعا كۇش سالادى.
سونداي- اق، يسيكاۆا ۇكىمەتتىڭ جۇمىس ىستەيتىن ەر ازاماتتارعا ءبىز وكشە كيۋدى تالاپ ەتپەيتىنىن دە اتاپ ءوتتى.
جازۋشىنىڭ يدەياسىن 19 مىڭعا جۋىق ادام قولدادى. تىيىم سالۋدى جاقتاۋشىلار كوپتەگەن جاپون كومپانيالارىندا مۇنداي اياق كيىمگە قاتىستى تالاپتاردىڭ مىندەتتى بولاتىنىن تىلگە تيەك ەتتى.