اتىراۋدا ماساعا ارنالعان ەسكەرتكىش ورناتىلا ما؟

  نۇر- سۇلتان. قازاقپارات - اتىراۋدا قالالىق ساياباقتاردىڭ بىرىندە ماساعا ارنالعان ەسكەرتكىش ورناتىلماق ەكەنى مالىمدەندى. الايدا قالا اكىمىنىڭ ورىنباسارى مۇنداي ماسەلەنىڭ قارالماعانىن ايتتى.

 بۇل تۋرالى ATPress.kz باسىلىمى حابارلايدى.

 قالالىق رەترو- ساياباقتى سەنىمگەرلىكپەن باسقارۋ قۇقىعىنا يەلەنگەن كاسىپورنىننىڭ باسشىسى ساياباقتا اتىراۋدىڭ سيمۆولدارىنىڭ ءبىرى رەتىندە ماساعا ارنالعان ەسكەرتكىش ورناتۋ تۋرالى جوسپارىن ايتتى. بۇل تۋرالى ول 3 - ماۋسىمدا جۋرناليستەرگە ايتقان.

 ارتىنشا اتىراۋ قالاسى اكىمىنىڭ ورىنباسارى  ۇلىقبەك تىناليەۆ رەترو- ساياباقتا ماساعا ەسكەرتكىش ورناتۋ ماسەلەسى اكىمدىكتە قارالماعانىن مالىمدەدى.

 "قازىرگى ۋاقىتتا ساياباق سەنىمگەرلىكپەن باسقارۋعا بەرىلدى. الايدا ەسكەرتكىشتەر مەن كىشىگىرىم ساۋلەت نىساندارىن ورناتۋ ماسەلەلەرى بىزبەن كەلىسىلۋى كەرەك. بولاشاقتا ءبىز، ءبىرىنشى كەزەكتە، تۇرعىنداردىڭ مادەنيەت جانە دەمالىس ورنىنىڭ ساۋلەتىنە جانە ستيلىنە سايكەس كەلەتىن جۇمىستاردى عانا قارايتىن بولامىز. مىسالى، دومبىرانىڭ ەسكەرتكىشىن ورناتۋ تۋرالى ۇسىنىس تۇسۋدە"، - دەيدى اكىمنىڭ ورىنباسارى.