ق ر پرەزيدەنتى: شەتەلدىك جانە جەرگىلىكتى جۇمىسشىلارعا بىردەي جالاقى تولەۋ ماسەلەسىن باقىلاۋعا الۋ كەرەك
بۇل تۋرالى مەملەكەت باسشىسى قاسىم-جومارت توقايەۆ اتىراۋ وبلىسى جۇرتشىلىعىمەن كەزدەسۋىندە ايتتى، دەپ حابارلايدى قازاقپارات ق ر پرەزيدەنتىنىڭ باسپا ءسوز حاتشىسى بەرىك ۋاليگە سىلتەمە جاساپ.
«بىلىكتىلىك دەڭگەيى تەڭ شەتەلدىك جانە جەرگىلىكتى جۇمىسشىلارعا بىردەي جالاقى تولەۋ ماسەلەسىن باقىلاۋعا الۋ كەرەك. بىردەي جۇمىسقا ءارتۇرلى جالاقى تولەۋگە جول بەرۋگە بولمايدى.
ارينە، ءبىزدىڭ جۇمىسشىلارىمىز ءبىلىم دەڭگەيى جانە جۇمىس تاجىريبەسىنە قويىلاتىن جوعارى تالاپتارعا ساي كەلە مە دەگەن سۇراق - باستى ماسەلە ەكەنى تۇسىنىكتى»، - دەدى مەملەكەت باسشىسى.
سونداي-اق، پرەزيدەنت بىلىكتى مامانداردى ەش الالاماي، لايىقتى جالاقىسىن تولەۋ كەرەكتىگىن دە جەتكىزدى.
«قالعانىن وقىتىپ، ۇيرەتىپ، قاجەت دەڭگەيگە جەتكىزۋىمىز كەرەك» - دەدى مەملەكەت باسشىسى.
ەسكە سالا كەتسەك، كەشە قاسىم-جومارت توقايەۆ اتىراۋ وبلىسىنا جۇمىس ساپارىمەن كەلگەندىگى تۋرالى حابارلاعان بولاتىنبىز.