ەلورداداعى قورعانىس مينيسترلىگىنىڭ ۇستىنەن ۇشىرىلعان ۇشقىشسىز اپپارات قولعا ءتۇستى

كۆادروكوپتەر مەن ونىڭ رۇقساتسىز ۇشىرىلۋىنا قاتىستى ماتەريالدار ءىستىڭ ءمان-جايىن انىقتاۋ ءۇشىن ەسىل اۋدانىنىڭ پوليتسيا باسقارماسىنا جولداندى. ۇشقىشسىز اپپاراتتىڭ يەسى انىقتالدى، قازىرگى تاڭدا ونىمەن قۇقىق قورعاۋ ورگاندارىنىڭ وكىلدەرى ءتيىستى جۇمىستار جۇرگىزۋدە.
قورعانىس مينيسترلىگى ازاماتتارعا ۇشقىشسىز باسقارىلاتىن اپپاراتتاردىڭ اسكەري نىسانداردىڭ ۇستىنەن رۇقساتسىز ۇشىرىلۋىنا تىيىم سالىنعاندىعىن جانە مۇنداي ارەكەت ق ر «قازاقستان رەسپۋبليكاسىنىڭ اۋە كەڭىستىگى مەن اۆياتسيا قىزمەتى تۋرالى» زاڭىنىڭ 31 جانە 33 -باپتارىن بۇزۋ بولىپ تابىلاتىندىعى تۋرالى بىرنەشە مارتە ەسكەرتۋ جاساعان.
زاڭنىڭ اتالعان نورمالارى مەن ق ر اكىمشىلىك قۇقىق بۇزۋشىلىقتار تۋرالى كودەكسىنىڭ 563 -بابىن «قازاقستان رەسپۋبليكاسىنىڭ اۋە كەڭىستىگىن پايدالانۋ ءتارتىبىن بۇزۋ» بۇزعانى ءۇشىن جەكە تۇلعالارعا 10 ا ە ك كولەمىندە، ال لاۋازىم يەلەرىنە 20 ا ە ك كولەمىندە ايىپپۇل سالىنادى.
ال ۇشقىشسىز باسقارىلاتىن اپپاراتتاردى (كۆادروكوپتەر) ەلدى مەكەندەردە پايدالانۋ ەرەجەسى ق ر يندۋستريا جانە ينفراقۇرىلىمدىق دامۋ مينيسترلىگىنىڭ سايتىندا جاريالانعان.