قاسىم- جومارت توقايەۆ نۇرسۇلتان نازاربايەۆپەن قالاي تانىسقانىن ايتىپ بەردى
ق. توقايەۆ ول كەزدە بەيجىڭدە ق ح ر سوۆەت وداعىنىڭ ەلشىلىگىندە جۇمىس ىستەپ جۇرگەن.
«نۇرسۇلتان نازاربايەۆپەن 1985 -جىلى قىركۇيەك ايىندا تانىستىم. نازاربايەۆ بەيجىڭگە جوعارعى كەڭەستىڭ دەلەگاتسياسىن باستاپ كەلدى. بۇل - ەكى مەملەكەتتىڭ ارا- قاتىناسى رەتتەلگەن گورباچيەۆ ساپارىنان 4 جىل بۇرىن بولعان وقيعا. ياعني، ن. نازاربايەۆ 1985 -جىلى- اق ق ح ر ءتوراعاسىنان باستاپ، بارلىق لاۋازىمدى تۇلعالارىمەن كەزدەسىپ، ەكى مەملەكەتتىڭ ىمىرالاسۋىنا ۇلەس قوستى. سول ساتتە نازاربايەۆ مەنەن «قازاقسىڭ با؟» دەپ سۇرادى. «ارينە، قازاقپىن» دەپ جاۋاپ بەردىم. ەسىندە ساقتاپ قالسا كەرەك. كەيىن 1992 -جىلى سوۆەت وداعى ىدىراعان سوڭ ماسكەۋدەگى قازاقستاننىڭ تۇراقتى وكىلدىگىندە كەزدەيسوق كەزدەستىك. سوندا ول ماعان تانىمال ولەڭ جولدارىمەن «شينەلىڭدى الىپ ۇيگە قايت» دەدى. وسىدان تانىستىعىمىز باستالدى»، - دەدى ق. توقايەۆ.
پرەزيدەنت ەلباسى ساباقتاستىعىنىڭ قالاتىنىن، ءبىراق ەل باسقارۋ ستيلدەرىنىڭ ۇقسامايتىنىن اتاپ ءوتتى.
«ءار ادام - ينديۆيديۋم. نۇرسۇلتان ءابىش ۇلىنىڭ قايتالانباس ستيلىن كوشىرىپ الۋ ويىمدا جوق. ول - مەملەكەتىمىزدىڭ نەگىزىن قالاۋشى، ەۋرازيالىق ينتەگراتسيانى قۇرعان. سوندىقتان، ونىڭ باعىتىنا ساباقتاستىقتى قامتاماسىز ەتەمىن دەپ مالىمدەدىم. بۇل ەڭ الدىمەن قازاقستان ءۇشىن قاجەت. بىزگە تۇبەگەيلى، استاڭ- كەستەڭ وزگەرىس قاجەت ەمەس. سوۆەت وداعىنىڭ تاريحىنان دا بەلگىلى، ءار باسشى كەلگەن سايىن وزىنە دەيىنگىنى ۇمىتتىرىپ، جاڭا ساياساتقا كوشتى. بۇل قوعامعا ۇلكەن جىك سالدى، ءتىپتى سوۆەت وداعى سەكىلدى الپاۋىت مەملەكەت ىدىرادى. مەن تابيعاتىمنان ايعايشىل ەمەسپىن. مەنىڭ جينالىستارىم تىنىش وتەدى، ەڭ وزەكتى ماسەلەنى تالقىلاۋ 40 مينۋتتان اسپايدى. ادەتتەگى جينالىستار 10-15 مينۋتتىڭ اينالاسىندا. قىتايدى كوپ زەرتتەگەندىكتەن، لاۋ- زىنىڭ ناقىل ءسوزىن ۇستانامىن: ەڭ جۇمساق كۇش ەڭ قاتتىنىڭ ءوزىن ەڭسەرەدى»، - دەدى قاسىم- جومارت توقايەۆ.
اۆتور: ايجان سەرىكجان قىزى