شىعىس قازاقستاندا مەنينگيت جۇقتىرعان ساربازدىڭ جاعدايى جاقساردى - دارىگەر

الماتى. قازاقپارات - الماتىدا دارىگەرلەر شىعىس قازاقستان وبلىسىندا مەنينگيت جۇقتىرعان شەكاراشى ساربازدىڭ جاعدايى تۋرالى ايتتى، دەپ حابارلايدى قازاقپارات ءتىلشىسى.

قاراعاندىدان شاقىرىلعان سارباز جۇقپالى اۋرۋدى اسكەري بولىمدە جۇقتىرعان.

كەيىننەن ناۋقاس الماتىعا جەتكىزىلدى.

«اسكەري قىزمەتشىنىڭ جاعدايى جاقساردى. مەنينگيت بەلگىلەرى جوق. ينتوكسيكاتسيا بەلگىلەرى دە، دەنەسىندە بورتپەلەر شىعىپ جاتقان جوق» - دەدى قالالىق قوعامدىق دەنساۋلىق باسقارماسىنىڭ باسپا ءسوز قىزمەتىنەن.

قازىر ناۋقاس جانساقتاۋ بولىمىنەن پالاتاعا اۋىستىرىلدى.

ەسكە سالا كەتسەك، شىعىس قازاقستان وبلىسىنىڭ اسكەري بولىمشەسىندە مەنينگيت ينفەكتسياسىن جۇقتىرعان سارباز الماتىعا جەتكىزىلگەن بولاتىن. جانە ونىڭ جاعدايى اۋىر دەپ باعالانعان ەدى.