بىرنەشە وبلىستا اۋا رايىنا بايلانىستى ەسكەرتۋ جاريالاندى

نۇر-سۇلتان. قازاقپارات - قازاقستاننىڭ بىرنەشە وبلىسىندا اۋا رايىنا بايلانىستى ەسكەرتۋ جاريالاندى، دەپ حابارلايدى قازاقپارات.

«قازگيدرومەت» ر م ك تاراتقان اقپاراتقا سايكەس، 3 -ماۋسىمدا جامبىل، تۇركىستان، الماتى وبلىستارىندا جانە الماتى قالاسىنا جاقىن اۋماقتاردا جاڭبىر جاۋۋىنا بايلانىستى، تاۋ باۋرايلارىنان اعىندى سۋلار اعىپ، وزەندەردەگى سۋ دەڭگەيى كوتەرىلۋى مۇمكىن.

3 -ماۋسىم كۇنى تۇندە جانە 4-5 -ماۋسىم كۇندەرى جامبىل وبلىسىنىڭ كەي جەرلەرىندە نوسەر جاۋۋى مۇمكىن. كەي جەرلەردە نايزاعاي جارقىلدايدى، داۋىل سوعىپ، بۇرشاق جاۋۋى ىقتيمال. جەل الدىمەن وڭتۇستىك- باتىستان، ارتىنشا شىعىستان سوعادى، ەكپىنى 15-20 م/س- قا دەيىن جەتۋى مۇمكىن. تارازدا 3-5 -ماۋسىم كۇندەرى وقتىن-وقتىن نايزاعاي ويناپ، داۋىل سوعادى، بۇرشاق جاۋۋى مۇمكىن. جەل الدىمەن وڭتۇستىك-باتىستان، ارتىنشا شىعىستان سوعادى، ەكپىنى 15-20 م/س- قا دەيىن جەتەدى. داۋىل سوعۋ قاۋپى %85-90.

3 -ماۋسىم كۇنى باتىس قازاقستان وبلىسىنىڭ كەي جەرلەرىندە نايزاعاي جارقىلداپ، بۇرشاق جاۋۋى مۇمكىن. جەل الدىمەن وڭتۇستىك- شىعىستان، ارتىنشا سولتۇستىك- باتىستان 15-20 م/س جىلدامدىقپەن سوعادى. 3 -ماۋسىم كۇنى ورالدا كۇندىز نايزاعاي جارقىلداۋى مۇمكىن. جەل الدىمەن وڭتۇستىك- شىعىستان، ارتىنشا سولتۇستىك- باتىستان 18 م/س جىلدامدىقپەن سوعادى. داۋىل سوعۋ قاۋپى %90-95.

3 -ماۋسىم كۇنى قوستاناي وبلىسىنىڭ كەي جەرلەرىندە جەل سولتۇستىك-باتىستان 15-20 م/س جىلدامدىقپەن سوعادى، تۇندە جانە تاڭەرتەڭ كەي جەرلەردە نايزاعاي جارقىلدايدى. قوستانايدا 3 -ماۋسىم كۇنى جەل سولتۇستىك- باتىستان 15-20 م/س جىلدامدىقپەن سوعادى، تۇندە نايزاعاي وينايدى. داۋىل سوعۋ قاۋپى %90-95.

3 -ماۋسىم كۇنى سولتۇستىك قازاقستان وبلىسىندا تۇندە كەي جەرلەردە نايزاعاي جارقىلداۋى مۇمكىن. جەل سولتۇستىك- باتىستان سەكۋندىنا 15-20 مەتر جىلدامدىقپەن سوعادى. داۋىل سوعۋ قاۋپى %90-95.