09:20, 31 - مامىر 2019 | GMT +5
سەمەيدە ولجاس سۇلەيمەنوۆ اتىنداعى ورتالىق اشىلدى
نۇر-سۇلتان. قازاقپارات - سەمەيدەگى شاكارىم اتىنداعى مەملەكەتتىك ۋنيۆەرسيتەتتە مەملەكەت جانە قوعام قايراتكەرى ولجاس سۇلەيمەنوۆ اتىنداعى ورتالىق اشىلدى، دەپ حابارلايدى حابار24kz.
سالتاناتتى راسىمگە اقىننىڭ ءوزى قاتىسىپ، جاستارعا باتاسىن بەردى. مۇندا قوعام قايراتكەرىنىڭ شىعارماشىلىعىمەن تانىسىپ، ادەبي وتىرىستار وتكىزۋگە بولادى. ال تانىمال قالامگەر جاس ۇرپاققا اعارتۋشىلىق جولدا تالماي ەڭبەكتەنىپ، تالاپتانۋدى تىلەدى.
«ۋنيۆەرسيتەتكە وقۋعا تۇسكەن جاستار، قاي ماماندىقتى تاڭداسا دا، ەڭ الدىمەن ادامشىلىق جولدان تايماۋى ءتيىس. ءوزىن تانۋ ارقىلى وزگەگە قىزمەت ەتەدى. جاڭا ورتالىق ەلىمىزدەگى پاراسات- پايىمى بيىك، وتانشىل بۋىندى تاربيەلەۋگە ۇلەس قوسادى دەگەن سەنىمىم مول»، - دەدى ولجاس سۇلەيمەنوۆ.