ۇرلىق جاساپ ۆيدەوعا ءتۇسىپ قالعان ايەل ۇستالدى - الماتى وبلىسى

تالدىقورعان. قازاقپارات - الماتى وبلىسىندا بىرنەشە رەت ۇرلىق جاساعان جەرىنەن بەينەباقىلاۋعا تۇسكەن ايەل ۇستالدى.

25 جاستاعى كەلىنشەك بۇعان دەيىن دە وسىعان ۇقساس قىلمىس جاساپ، سوتتالعان، دەپ حابارلايدى قازاقپارات ءتىلشىسى.

كۇدىكتى تالدىقورعان قالاسىندا جانە ەسكەلدى اۋدانىندا وزگەنىڭ زاتىن قولدى قىلىپ جاتقان ساتىندە بەينەباقىلاۋ كامەراسىنا ءتۇسىپ قالعان. ارتىنشا بۇل كادرلار الەۋمەتتىك جەلىگە جاريالانىپ، حالىقتىڭ اشۋىن تۋدىردى. بۇگىن ەسكەلدى اۋدانىنىڭ پوليتسەيلەرى كۇدىكتىنى قارابۇلاق كەنتىندە قولعا ءتۇسىردى.

«كۇدىكتى كوكسۋ اۋدانىنىڭ تۇرعىنى. ونىڭ 6 فاكتىگە قاتىسى بار ەكەنى دالەلدەندى. ول ساۋدا ۇيلەرىندە، ءبىلىم مەن دەنساۋلىق مەكەمەلەرىندە ۇرلىق جاساعان. ۇرلانعان زاتتاردىڭ ىشىندە ۇيالى تەلەفوندار، ءامياندار، ايەل ادامداردىڭ سومكەلەرى سىندى زاتتار بار. قازىر ناقتى كەلتىرىلگەن شىعىن كولەمى ەسەپتەلىپ جاتىر. كۇدىكتىنىڭ وزگە قىلمىستارعا قاتىسى بار-جوعى تەكسەرىلۋ ۇستىندە»، - دەپ مالىمدەدى الماتى وبلىستىق پوليتسيا دەپارتامەنتىنىڭ باسپا ءسوز قىزمەتىنەن.

قازىر اتالعان فاكتىگە وراي سوت-الدى تەرگەۋ ءجۇرىپ جاتىر.