دانيال احمەتوۆ «حاليفا التاي» مەشىتىندەگى يسلام مادەنيەتى مۇراجايىمەن تانىستى
ءوڭىر باسشىسى جاقىن ارادا مەشىت اۋماعىندا ورنالاساتىن يسلام مادەنيەتى مۇراجايىنىڭ قۇرىلىم تۇجىرىمداماسىمەن تانىستى.
«يسلام مادەنيەتى مۇراجايىندا قازاقستاندا يسلام ءدىنىنىڭ پايدا بولۋى مەن دامۋ تاريحى ءۇش بولىكپەن كورسەتىلەتىن بولادى: تاڭىرشىلدىك، قازاقستان جەرىندە يسلامنىڭ پايدا بولۋى مەن تارالۋى، يسلامنىڭ قازىرگى ءداۋىرى. بۇل جەرگە يسلامعا دەيىنگى كەزەڭدەگى كۇلتەگىن (كۇلتەگىن تاس ستەللاسى (VIII عاسىر) - ەجەلگى تۇركى وركەنيەتىنىڭ ەسكەرتكىشى. قولباسشى كۇلتەگىننىڭ قۇرمەتىنە ورناتىلعان جانە ساق ءداۋىرىنىڭ ارحەولوگيالىق جادىگەرلەر، بالبال تاستار، تاسقا باسىلعان تاڭبالى سۋرەتتەردىڭ ۇلگىلەرى قويىلاتىن بولادى. سونىمەن قاتار قازاقستان دامۋىنىڭ ءارتۇرلى كەزەڭدەرىندەگى كيىم ۇلگىلەرى مەن قوردا سيرەك كەزەدەسەتىن 100 جانە 200 -جىلدىق تاريحى بار كىتاپتار، قاسيەتتى قاعبا جانە قازاقستان مەشىتتەرىنىڭ ماكەتتەرى كورسەتىلەدى»، دەلىنگەن حابارلامادا.
مۇراجايدىڭ ءدال ورتاسىندا ينتاراكتيۆتى رەجىمدە وقۋعا بولاتىن، قازاق، ورىس جانە اراب تىلدەرىندەگى ەلەكتروندى قۇران ورنالاسادى. بارلىق قوسىمشا ەكسپوناتتار ەلەكتروندى تۇردە بەرىلەدى. پلانشەت ارقىلى، ءاربىر نىسان تۋرالى تولىق اقپارات الۋعا مۇمكىندىك قاراستىرىلعان. مۇراجايعا قويىلاتىن ەكسپوناتتار كەلىپ كورۋشىلەرگە يسلام مادەنيەتى تاريحى مەن ونىڭ قازاقستاندا دامۋى جايلى كوبىرەك مالىمەت الۋىنا مۇمكىندىك بەرەدى. ەرەكشە اتاپ وتەرلىك جايت، سيرەك كەزدەستەتىن بۇل جادىگەرلەر تەك قانا شىعىس قازاقستاننىڭ مۇرايجالىق جيناقتاماسىنان عانا ەمەس، تۇركىستان وبلىسى، شىمكەنت قالاسى سياقتى رەسپۋبليكامىزدىڭ باسقا ايماقتارىنان دا اكەلىنەدى.
قازىرگى ۋاقىتتا ەكسپوناتتاردى جيناۋ جۇمىستارى جۇرگىزىلۋدە، سيرەك كەزدەسەتىن 100 جانە 200 جىلدىق تاريحى بار كىتاپتار قورى جيناقتالعان.
يسلام مادەنيەتى تۋرالى اقپارات الۋدىڭ زاماناۋي ادىستەرى مەن كونە ەكسپوناتتاردىڭ بىرەگەي ۇيلەسىمى، الداعى ۋاقىتتا ەلىمىزدىڭ بارلىق تۇرعىندارى مەن ءوڭىر قوناقتارى اراسىندا رەسپۋبليكادا تەڭدەسى جوق بولاشاق مۋزەيگە دەگەن سۇرانىستى قامتاماسىز ەتەدى.
دانيال احمەتوۆ مۇراجايدى ۇيىمداستىرۋ ماسەلەلەرى بويىنشا قوسىمشا تاپسىرمالار بەردى.
قاسيەتتى رامازان ايىندا وبلىس اكىمى «اۋىزاشار» داستارحانىن جايىپ، وعان ءدىن جانە ەتنومادەني ورتالىقتاردىڭ وكىلدەرى، اقساقالدار مەن مەشىت جاماعاتى قاتىستى. ونىڭ بارىسىندا ءوڭىر باسشىسى شىعىس قازاقستاننىڭ بارلىق تۇرعىندارىنا جاقسىلىق، رۋحاني تازارۋ، بەيبىتشىلىك پەن كەلىسىم تىلەدى.