اتا- اناسى اجىراسقان جاعدايدا بالاعا تاڭداۋ بەرىلەدى - ساۋلە ايتپايەۆا

نۇر- سۇلتان. قازاقپارات - بالا قۇقىقتارى جونىندەگى ۋاكىل ساۋلە ايتپايەۆا اتا- اناسى اجىراسقان جاعدايدا قانداي بالالارعا تاڭداۋ قۇقىعى بەرىلەتىنىن اتادى، دەپ حابارلايدى قازاقپارات ءتىلشىسى.

 ومبۋدسمەننىڭ ايتۋىنشا، بالالار قۇقىعىنا قاتىستى زاڭنامالارعا 2019 -جىلدىڭ 1-ساۋىرىنەن باستاپ ءبىرقاتار وزگەرىستەر ەنگەن. ول وزگەرىستەر اجىراسۋ پروتسەستەرىن دە قامتيدى.

«بۇعان دەيىن اقىلى جەتىلگەن بالالاردىڭ اتا- اناسى اجىراسقان جاعدايدا كىممەن تۇراتىنىن ءوزى شەشۋ كەرەكتىگى تۋرالى كوپ ايتىلدى. سول ۇسىنىستى جان- جاقتى زەردەلەي كەلە زاڭعا وزگەرىس ەنگىزدىك. جوعارعى سوتتىڭ قاۋلىسىمەن اتا- انالار اجىراسقان جاعدايدا 10 جاسقا تولعان جانە 10 جاستان اسقان بالالاردان كىممەن قالعىسى كەلەتىنى تۋرالى سۇراۋ قاجەتتىگى تۋرالى شەشىم شىعارىلدى»، - دەدى ول.

اۆتور: ەسىمجان ناقتىباي