قازاقستان پرەزيدەنتى باس پروكۋراتۋرا الدىنا ءبىرقاتار مىندەتتەر قويدى
كەزدەسۋ بارىسىندا مەملەكەت باسشىسىنا ەلىمىزدەگى زاڭدىلىق پەن قۇقىق ءتارتىبىنىڭ احۋالى جونىندە ەسەپ بەرىلدى.
باس پروكۋرور قازاقستان پرەزيدەنتىنە قىلمىس دەڭگەيىنىڭ تومەندەگەنىن جانە قىلمىستىق ۇدەرىستەگى ازاماتتاردىڭ كونستيتۋتسيالىق قۇقىعىن قورعاۋ بويىنشا جۇرگىزىلىپ جاتقان جۇمىستار مەن قىلمىستىڭ جەكەلەگەن تۇرلەرىنە قارسى كۇرەس تۋرالى باياندادى.
قاسىم- جومارت توقايەۆقا ەلەكتروندى قىلمىستىق جانە اكىمشىلىك ءىس جۇرگىزۋدى ەنگىزۋ، سونداي- اق، تەكسەرۋلەردى تاعايىنداۋ ۇدەرىسىن اۆتوماتتاندىرۋ بارىسى تۋرالى مالىمدەلدى.
مەملەكەت باسشىسى قوعامنىڭ بارلىق سالاسىندا قۇقىق ۇستەمدىگىن قامتاماسىز ەتۋ جۇمىستارىن جالعاستىرۋ قاجەتتىگىن اتاپ ءوتىپ، ازاماتتاردىڭ قۇقىعى پروكۋرورلاردىڭ ەرەكشە نازارىندا بولۋى ءتيىس ەكەنىن ايتتى.
«پروكۋراتۋرا ورگاندارى الەۋمەتتىك جانە باسقا دا مەملەكەتتىك باعدارلامالارعا بولىنگەن بيۋدجەت قارجىسىن جۇمساۋ بارىسىندا زاڭنىڭ قاتاڭ ساقتالۋىنا قول جەتكىزۋى قاجەت. زاڭدىلىقتىڭ بۇزىلۋىنا مۇلدەم جول بەرمەۋ كەرەك»، - دەدى قاسىم- جومارت توقايەۆ.
سوڭىندا قازاقستان پرەزيدەنتى قاداعالاۋشى ورگاننىڭ الدىنا باسقا دا ءبىرقاتار مىندەتتەر قويدى.