بالالاردى نەشە جاستان باستاپ جۇمىسقا الۋعا بولادى

نۇر-سۇلتان. قازاقپارات - ورتالىق كوممۋنيكاتسيالار قىزمەتىندە بالالاردىڭ قاۋىپسىزدىگىن قامتاماسىز ەتۋ ماسەلەلەرىنە ارنالعان باسپا ءسوز ءماسليحاتىندا ىشكى ءمينيسترىنىڭ ورىنباسارى مارات قوجايەۆ بالالاردى قانشا جاستان باستاپ جۇمىسقا الۋعا بولاتىنىن ءتۇسىندىردى، دەپ حابارلايدى قازاقپارات ءتىلشىسى.

ءى ءى م وكىلىنىڭ ايتۋىنشا، بالالاردى جۇمىسقا الۋ ماسەلەسى زاڭدا جاس مولشەرىمەن قاتار ەڭبەك ۋاقىتى بويىنشا دا شەكتەۋلەرمەن رەتتەلەدى.

«ەڭبەك كودەكسىنە سايكەس، كامەلەتكە تولماعاندار جۇمىسقا 14 جاستان باستاپ تارتىلا الادى. 14-16 جاس ارالىعىندا ولاردىڭ ەڭبەك جۇەكتەمەسى اپتاسىنا 24 ساعاتتان اسپاۋى ءتيىس. ال 16 جاستان اسقاندارعا اپتالىق جۇكتەمە 36 ساعاتتان ارتىلماۋى كەرەك»، - دەدى ءمينيستردىڭ ورىنباسارى.

ال بالا قۇقىقتارى جونىندەگى ۋاكىل ساۋلە ايتپايەۆانىڭ ايتۋىنشا، بالانى جۇمىسقا الۋدا ەڭبەك اۋىرلىعىنا قاتىستى دا تالاپتار بار.

«بالانى 14 جاستان باستاپ جۇمىسقا الۋعا بولعانىمەن، ەڭبەكتىڭ قانشالىقتى اۋىر ەكەنى ەسكەرىلۋى كەرەك. 15 جاسقا دەيىنگى بالار وندىرىستىك نەمەسە شارۋاشىلىق جۇمىستارعا تارتىلا المايدى. ولاردىڭ ەڭبەگىن تەك كينو سالاسىندا، تەلەۆيزيادا، سيرك پەن تەاتردا، كونسەرتتىك جوبالاردا پايدالانۋعا بولادى. ال وزگە جۇمىستارعا تەك 15-تەن اسقان بالالار عانا تارتىلادى»، - دەدى ساۋلە ايتپايەۆا.