پاۆلوداردا شەتەلدەن كەلگەن جاستاردىڭ ۇ ب ت- عا دايىندىعى تالقىلاندى
وعان وڭىردەگى ءۇش ۋنيۆەرسيتەتتەگى «Foundation» فاكۋلتەتىنىڭ دايىندىق بولىمىندە ءبىلىم الىپ جاتقان جاستار قاتىستى. قازىرگى تاڭدا س. تورايعىروۆ اتىنداعى پ م ۋ-دا 70 بالا، پ م پ ۋ مەن ي ن ە ۋ- دە 50 شاقتى بالا دايىندىق كۋرستارىندا ءبىلىم الۋدا. ولار موڭعوليا، قىتاي، وزبەكستان جانە رەسەي ەلدەرىنەن كەلگەن جاستار. كەزدەسۋ بارىسىندا «دۇنيەجۇزى قازاقتارى قاۋىمداستىعى» ر ق ب پاۆلودار وبلىستىق فيليالىنىڭ باسشىسى بولات زاۋت جاستاردى تولعاندىرعان ساۋالدار تۋرالى سۇراپ، الداعى تۇرعان سىن ساعاتىنا ساتتىلىك تىلەدى.
«شەتتە تۇرعان قانداستارىمىزدىڭ جاعدايى تۇڭعىش پرەزيدەنتىمىز نۇرسۇلتان نازاربايەۆتىڭ ەسىنەن ءبىر ساتتە دە شىققان ەمەس. موڭعوليا ەلىنەن ۇلى كوش 1991 -جىلى باستالىپ، بۇگىنگى كۇنگە دەيىن جالعاسۋدا. 1996 -جىلى شەتەلدە تۇراتىن وتانداستىرمىزدى قولداۋ ماقساتىندا مەملەكەتتىك باعدارلاما قابىلدانعان. سول جىلى ەلىمىزدىڭ ج و و-دا 1000-عا جۋىق تۇلەك گرانت نەگىزىندە ءبىلىم الدى. بىلتىر قولدارىڭىزعا اتتەستات العاننان كەيىن ق ر ج و و ءتۇسۋ ءۇشىن ءبىر جىل تەگىن دايىندىقتان وتتىڭىزدەر. كوپتەگەن ۇستازدار جاستاردىڭ الەۋمەتتىك جاعدايلارىنا، وقۋ ساپاسىنا جانە تارتىبىنە كوڭىل ءبولىپ، اۋقىمدى جۇمىس اتقاردى»، - دەيدى بولات زاۋت.
نۇر-سۇلتان قالاسىنان كەلگەن «وتانداستار» كوممەرتسيالىق ەمەس اكسيونەرلىك قوعامى مادەني- عىلىمي دەپارتامەنتىنىڭ قىزمەتكەرى نۇرىمجان جۇماعازين ءبىلىم گرانتتارىنا توقتالىپ ءوتتى. ونىڭ ايتۋىنشا، بۇل ۋاقىتقا دەيىن كۆوتا جالپى رەسپۋبليكالىق گرانتتان ەكى پايىز بولىنگەن بولسا، ەندىگى ۋاقىتتا ەكى ەسەگە ارتىپ، 4 پايىزعا ءوستى
«بۇل شامامەن 1500 ورىن. كۆوتا ۇبت تاپسىرعان كەزدە مەجەدەگى بالدى جيناي الماعان جاعدايدا ج و و- عا تۇسۋگە مۇمكىندىك بەرەدى. ءبىراق شەكتى بالدى جيناۋ مىندەتتى. بۇدان باسقا، ماگيستراتۋراعا ءتۇسۋ ءۇشىن ستيپەنديالىق باعدارلاما ىسكە قوسىلدى. شەتەلدەگى قانداستارىمىز ەمتيحانعا قۇجاتتارىن ونلاين رەجىمدە تاپسىرىپ وقۋعا تۇسە الادى. ولار ءۇشىن جاتىن ورنى، ستيپەنديا قاراستىرىلعان. «وتانداستار» قوعامىنىڭ ۇيىمداستىرۋىمەن قازاق ءتىلىن دامىتۋ ماقساتىندا الەمنىڭ قازاقتار كوپ شوعىرلانعان 14 قالاسىندا ونلاين كلاسستار اشۋ بويىنشا جۇمىس جۇرگىزىلۋدە. سايت ارقىلى قازاق ءتىلىن ۇيرەنىپ، ۇلتتىق سالت-ءداستۇر جانە ادەت- عۇرىپ تۋرالى اقپارات الۋعا بولادى»، - دەيدى نۇرىمجان جۇماعازين.
سونداي-اق، وبلىستىق ىشكى ساياسات باسقارماسىنىڭ باسشىسى ەرنۇر داۋەنوۆ ۇ ب ت-عا دايىندىقتىڭ ءبىرقاتار ءادىس- تاسىلدەرىمەن ءبولىستى.
قىتاي ەلى شىڭجاڭ-ۇيعىر اۆتونوميالى وبلىسىنىڭ قۇلجا قالاسىنان كەلىپ س. تورايعىروۆ اتىنداعى پ م ۋ- دا دايىندىقتان ءوتىپ جاتقان عالىم ەركىمبەك ۇلى بولاشاقتا ەرتىس وڭىرىندە ءداستۇرلى اندەر ماماندىعى بويىنشا ءبىلىم العىسى كەلەتىنىن ايتادى. «2018 -جىلدىڭ تامىز ايىندا كەلگەن بولاتىنمىن»، - دەيدى ول. «ەرتىستىڭ جاعاسىنا كەلگەن كەزدە ەڭ ءبىرىنشى وزەننىڭ جاعاسىنا باردىم. پاۆلودار تاماشا قالا. قىتايمەن قازاقستاندى سالىستىراتىن بولساق، ول جاقتىڭ ەكونوميكاسى دامىپ كەتكەن. دەگەنمەن، قازاقستانعا دەگەن ەرەكشە ىستىق سەزىم بولادى. وسى ۋاقىتتىڭ ىشىندە اقسۋ قالاسىندا جانە ۋسپەن اۋدانىندا وتكەن جاستار اراسىنداعى ايتىستا باس جۇلدەگەر اتاندىم. بولاشاقتا وسى جاقتا ءبىلىم الىپ، ءوز ەلىمە قىزمەت ەتۋدى ارماندايمىن».