قۇرما جەگەن ادامنىڭ اعزاسىندا قانداي وزگەرىستەر بولادى؟

 نۇر-سۇلتان. قازاقپارات - قۇرما -  ادامزات بالاسىنىڭ بارلىعىنا تانىمال، ەڭ كونە جەمىس بولىپ تابىلادى. ءوزىنىڭ نازىك، ءتاتتى ءارى قۇنارلى سيپاتىمەن قازىرگى تاڭدا دا كوپتەگەن الەم ەلدەرىندەگى ماڭىزى زور جەمىس بولىپ وتىر.

 عالىمدار بۇل جەمىستىڭ بارلىق جاڭا قىرىن جانە تاڭقالدىرارلىق ەرەكشەلىگىن ءارى تاڭداۋلى اس ەكەندىگىن عانا ەمەس، نەبىر ءتۇرلى اۋرۋ- سىرقاۋدىڭ تاپتىرماس ەمشىسى ەكەندىگىن انىقتاپ وتىر. بۇل ماۋەنى اپتا بويى ۇزبەي جەپ وتىرساڭىز اعزاڭىزدا وزگەرىستەر بولىپ جاتقانىنا وزىڭىزدە كوز جەتكىزەسىز. سوڭعى جىلداردا جۇرگىزىلگەن زەرتتەۋلەر ناتيجەسىندە قۇرمانىڭ كوپتەگەن قاسيەتتەرى اشىلعان. تۇركياداعى ايگىلى سەما ەمحاناسىنىڭ تاعام تانۋ جانە ديەتا ءبولىمىنىڭ مامانى حايرەددين مۋتلۋنىڭ ايتۋىنشا، قۇرما ليف، مينەرال، فەنول تۇرعىسىنان ءارى ناتري، كالي، ماگني، كالتسي، تەمىر، فوسفات سەكىلدى مينەرالدارعا وتە باي. اتاپ ايتقاندا، ول قۇرمانىڭ قاسيەتتەرىن بىلاي جۇيەلەپ كورسەتكەن:

 • پروتەين، ماي، كومىر سۋىن (ۋگليەۆود) -  ۇشەۋىن قاتار قامتيتىن بىردەن ءبىر جەمىس.

 • جاس قۇرما تەرىگە وڭ ىقپال ەتەدى، جۇكتىلىك پەن كۇنگە كۇيۋدەن تۇسكەن داقتاردى كەتىرەدى؛

 • قۇرامىنداعى تەمىر قان ازدىققا پايدالى؛

 • B1, B2 دارۋمەندەرىنىڭ قاتار كەزدەسۋى باۋىردى ساۋىقتىرادى؛

 • تاماق اۋرۋىنا، جوتەلگە پايدالى؛

 • قاتەرلى ىسىكتەن (راك) ساقتايدى، جۇرەك قان تامىرلارىنا تاپتىرمايتىن ەم؛

 • قۇرامىندا فوسفور مەن كالتسيدىڭ مولدىعى سۇيەك اۋرۋلارىنان قورعايدى؛

 • جۇيكە جۇيەسىنىڭ شارشاۋىن باسادى؛

 • ميدىڭ جۇمىس ىستەۋ قابىلەتىن كۇشەيتەدى؛

 • اس قورىتۋعا پايدالى؛

 • تويىمدىلىق قاسيەتى وتە جوعارى.

 • بالعىن قۇرمانىڭ بويىندا 60-65 پايىز (كەپكەن قۇرمادا %75-80) قانت بولعانىنا قاراماستان، ادامدى سەمىرتپەيدى.

 • جەڭىل بوسانۋعا سەپتىگىن تيگىزەدى.

سۇيەكتى قاتايتادى سولتۇستىك داكوتا ۋنيۆەرسيتەتىنىڭ دوكتورى، پروفەسسور دجۋليا گاردەن- روبينسوننىڭ ايتۋىنشا، قۇرما ادام سۇيەگىن قاتايتادى. سەبەبى ونىڭ قۇرامىندا فوسفور، كالي، ماگني جانە باسقا دا پايدالى دارۋمەندەر وتە كوپ. ولار سۇيەك قۇرامىن جاقسارتىپ وستەوپوروز، ارتروز، ارتيرت جانە باسقا دا سۇيەك اۋرۋلارىنىڭ الدىن الادى.

 2. اس قورۋتۋدى جاقسارتادى قۇرما اسقورىتۋ ۇدەرىسىن قالىپتى جاعدايدا ۇستايدى. ول ءىش قاتۋدىڭ الدىن الىپ، ىشەكتەردى تازالايدى. British Journal of Nutrition جۋرنالىنىڭ جازۋىنشا، قۇرما جەيتىندەردىڭ اس قورىتۋ جۇيەسى ونى جەمەيتىندەرگە قاراعاندا جاقسى جۇمىس ىستەيتىنى ارنايى زەرتتەۋلەر كەزىندە دالەلدەنگەن.

 3. زورىعۋ مەن كۇيزەلىستىڭ الدىن الادى قۇرما قۇرامىندا ۆ6 دارۋمەنى بار. ول اعزاعا سەراتونين مەن نورادرەنالين ءبولىپ شىعارۋدا كومەكتەسەدى. ولار مي جۇمىسىن كۇشەيتەدى. سەروتانين كوڭىل- كۇيىمىزدىڭ كوتەرەڭكى بولۋىن قامتاماسىز ەتسە، نورادرەالين زورىعۋعا قارسى كۇرەسەدى. ۆ6 دارۋمەنى اعزاعا جەتكىلىكسىز بولعان جاعدايدا ادام كۇيزەلىسكە ءتۇسىپ ءوزىن ءالسىز سەزىنە باستايدى. ۆ6 دارۋمەنىن نەعۇرلىم كوپ تۇتىنساق فيزيكالىق جانە رۋحاني تۇرعىدان سوعىرلىم كۇشتى بولا تۇسەمىز.

 4. جۇرەك اۋرۋىنىڭ الدىن الادى زەرتتەۋ ناتيجەلەرى كورسەتكەندەي قۇرما اعزاداعى تريگليتسەريد دەڭگەيىن ازايتىپ، توتىعۋ پروتسەستەرىن باياۋلاتادى. ول ءوز كەزەگىندە جۇرەك قان- تامىر اۋرۋلارى، نەگىزىنەن اتەروسكلەروز دامۋىنىڭ الدىن الادى.

 5.توق ىشەك راگى قاتەرىن ازايتادى قۇرما اس قورىتۋدى جاقسارتىپ، ىشەكتى زياندى باكتەريالاردان قورعايدى. ولاردىڭ توق ىشەككە تارالۋىن توقتاتادى. تاعام تانۋ عىلىمىنىڭ زەرتتەۋى، قۇرمانى ۇزدىكسىز جەيتىندەردىڭ توق ىشەگىندە قاتەرلى راكتىڭ الدىن الاتىن پايدالى باكتەريالار كوبەيگەنىن كورسەتكەن.

 6. ماۋسىمدىق اللەرگيانى ەمدەيدى كوكتەم كەلسە كەيبىر ادامداردا گۇلدەر مەن كوكتىڭ وسۋىنە بايلانىستى ماۋسىمدىق اللەرگيا باستالادى. مىسالى، ءار جىلى ا ق ش- تىڭ وزىندە 30 ميلليون ادام ماۋسىمدىق اللەرگيادان زارداپ شەگەدى ەكەن. ونى ءار ءتۇرلى دارىلەرمەن ەمدەپ جاتادى. ال قۇرما پالمالارى اللەرگيادان زارداپ شەگەتىندەر ءۇشىن تاپتىرماس ەم سانالادى.

 8. ارىقتاۋعا ءوز ۇلەسىن قوسادى قۇرما ارىقتاۋعا دا كومەكتەسەدى. بىرىنشىدەن، ونىڭ قۇرامىندا ۇزاق ۋاقىت توقتىق سەزىمىن تۋدىراتىن دارۋمەندەر بار. اشتىقتى ءبولىپ شىعاراتىن قانداعى گليۋكوزا مولشەرىن ازايتىپ وتىرادى. ەكىنشىدەن، قۇرما قۇرامىندا انتوتسيان، فەنول جانە كاروتينويد سىندى كوپتەگەن انتيوكسيدانتتەر بار. ولار اعزانى ۋلى زاتتاردان قورعايدى. زات الماسۋدى جاقسارتادى.

 9. كۇنىنە 3 قۇرما جەۋدىڭ پايداسى قۇرما قۇرامىندا كالي مولشەرى وتە كوپ. ول جۇرەكتىڭ قالىپتى جۇمىس ىستەۋىن قامتاماسىز ەتەدى. بۇل ءوز كەزەگىندە جۇرەك اۋرۋلارى مەن تالماسىنىڭ الدىن الادى. قۇرمالار باۋىردى توكسيندەردەن تازالاۋعا كومەكتەسەدى. سونداي- اق سيرروزدىڭ پايدا بولۋ قاتەرىن تومەندەتەدى. باۋىر فيبروزى سيمپتومدارىن جەڭىلدەتەدى. قۇرمالار كوز جانارىنىڭ كورۋ قابىلەتىن جاقسارتۋعا قابىلەتتى (ءتىپتى سابىزدەن دە پايدالى) . سەبەبى قۇرامىندا ا دارۋمەنىنىڭ مولشەرى كوپ. ەگەر ءوزىڭىزدى سەرگەك ءارى قۋاتتى سەزىنگىڭىز كەلسە قۇرما جەپ تۇرىڭىز. بار بولعانى 3 قۇرما جەسەڭىز ءبىر كۇنگە جەتەرلىك ەنەرگيا الاسىز.

 قۇرما - بۇل اسقازان فۋنكتسياسى بۇزىلعان كەزدە اس قورىتۋعا تاپتىرماس ءونىم. ونى اسقازان- ىشەك جولىنىڭ اۋرۋلارى، ءتىپتى اسقازان وباسىنىڭ (راك) پروفيلاكتيكاسى ءۇشىن پايدالانۋ قاجەت. اراب ايەلدەرى كوپ عاسىرلار بويى افروديزياك رەتىندە قۇرمانى قولدانادى. جەمىسىن ۇنتاقتاپ، ەرلەردىڭ كوفەسىنە قوسادى. بۇل ءونىمنىڭ قۇرامىندا قۇمارلىقتى، جىنىستىق قابىلەتتى ارتتىراتىن ءتۇرلى امين قىشقىلدارى بار. شاش سىنعىش بولسا، تەرى قۇرعاسا، ءاجىم ەرتە پايدا بولسا قۇرما جەۋ قاجەت. ونى كوسمەتيكالىق ماسكالار قۇرامىنا قوسۋعا بولادى.

Massaget.kz