قازاقستانعا پالما مايىن كىرگىزبەۋ تۋرالى ايتىلدى
وسى ورايدا ول بۇل ماسەلەگە بايلانىستى ق ر ۇكىمەت باسشىسى اسقار ءماميننىڭ اتىنا دەپۋتاتتىق ساۋال جولدادى، دەپ حابارلايدى قازاقپارات ءتىلشىسى.
«دۇنيەجۇزىلىك دەنساۋلىق ساقتاۋ ۇيىمى بايانداماسىنا سۇيەنسەك، پالما مايى سەمىزدىككە، اسقازان- ىشەك جولى جانە جۇرەك- قانتامىرلارى جۇيەسى اۋرۋلارىنا الىپ كەلەدى. ە ا ە و كوميسسياسى ءبىرازدان بەرى ازىق- تۇلىك ونىمدەرىن تاڭبالاۋدا پالما مايىنىڭ بار ەكەندىگى تۋرالى مالىمەتتەردىڭ مىندەتتى كورسەتىلۋىن ەنگىزبەي كەلەدى» ، - دەدى دەپۋتات.
ونىڭ پايىمىنشا، وندىرۋشىلەر تاماق ونىمدەرىنىڭ شىنايى قۇرامىن جاسىرۋ ءۇشىن پالما مايىن ادەيى كورسەتپەيدى. ءبىرىڭعاي ەكونوميكالىق كەڭىستىك اياسىندا قازاقستانداعى ساۋدا جەلىلەرىنە قۇرامىندا پالما مايى بار ءسۇت، ىرىمشىك ونىمدەرى مەن كونديتەرلىك تاۋارلار كەلىپ جاتىر.
«وسى ورايدا شەكارادا ازىق- تۇلىك ونىمدەرى ساپاسىنا قارايتىن جىلجىمالى باقىلاۋ بەكەتتەرىن كۇشەيتۋدى، سونداي- اق قازاقستانعا ساپاسىز پالما مايى مەن ونىڭ نەگىزىندەگى وزگە دە ونىمدەردى كىرگىزبەۋدى قامتاماسىز ەتۋ ماسەلەسىن قاراستىرۋدى سۇرايمىز» ، - دەدى نارينە ميكاەليان.