ق ر د س م يتاليادا جول اپاتىنا ۇشىراعان قازاقستاندىقتاردى ەلگە جەتكىزۋگە دايىن

نۇر-سۇلتان. قازاقپارات - ق ر دەنساۋلىق ساقتاۋ مينيسترلىگى يتاليادا جول-كولىك اپاتىنا ۇشىراعان ەكى جەرلەسىمىزدى ەلگە الىپ كەلۋگە دايىن، دەپ حابارلادى مينيسترلىكتىڭ باسپا ءسوز قىزمەتى.

باسپا ءسوز مالىمەتتەرىنە قاراعاندا، قازاقستاننىڭ يتالياداعى كونسۋلدىعى ەلىمىزدىڭ سىرتقى ىستەر مينيسترلىگىنە يتاليادا ەكى وتانداسىمىزدىڭ جول اپاتىنا ۇشىراپ، جەرگىلىكتى ستاتسيونارعا تۇسكەنىن حابارلاعان.

«بۇگىن، ياعني، 28 -مامىردا ق ر سىرتقى ىستەر مينيسترلىگى ق ر دەنساۋلىق ساقتاۋ مينيسترلىگىنە جەرلەستەرىمىزدى ەلگە تاسىمالداۋ قاجەت دەپ حات جازدى. الدىن الا مەديتسينالىق قۇجاتتار قارالدى. شەتەلدىك مامانداردىڭ مەديتسينالىق قورىتىندىسانا سۇيەنسەك، پاتسيەنتتەردىڭ جاعدايى تۇراقتى، ءبىراق اۋىر، كوپتەگەن جاراقات العان، ولاردى سانيتارلىق اۆياتسيامەن تاسىمالداۋ قاجەت»، - دەلىنگەن حابارلامادا.

ءوز كەزەگىندە، ق ر دەنساۋلىق ساقتاۋ مينيسترلىگى قوس ناۋقاستى ەلگە الىپ كەلۋگە دايىن. ساناۆياتسيانىڭ ارنايى بورتى دا ءازىر جانە پاتسيەنتتەر بىلىكتىلىگى جوعارى دارىگەرلەردىڭ باقىلاۋىندا بولادى. سانيتارلىق اۆياتسيانىڭ ءموبيلدى بريگاداسى ناۋقاستاردى تاسىمالداپ قانا كويماي، ولاردىڭ جاعدايىنا مونيتورينگ جۇرگىزىپ، بورتتا قاۋىپسىزدىگىن قامتاماسىز ەتەدى.

ۇلتتىق جەدەل مەديتسينانى ۇيلەستىرۋ ورتالىعىنىڭ مالىمەتىنشە، پاتسيەنتتەر الداعى تاۋلىكتە الماتىداعى مەديتسينالىق مەكەمەگە جەتكىزىلەدى.

ەستەرىڭىزگە سالساق، 2019 -جىلى 22 مامىردا يتاليادا (سيەنا پروۆينسياسىندا) تۋريستىك اۆتوبۋس اپاتقا ۇشىراعان ەدى. كولىكتىڭ ىشىندە قازاقستان ازاماتتارى دا بار. جول-كولىك وقيعاسى جەرگىلىكتى ۋاقىت بويىنشا تاڭعى ساعات 09:30-دا بولعان. اۆتوبۋس جىراعا قۇلاپ، اۋدارىلىپ قالعان، - دەيدى يتاليالىق ساراپشىلار.

ق ر دەنساۋلىق ساقتاۋ مينيسترلىگى شەتەلدەردەگى كلينيكالاردا اۋىر جاعدايدا جاتقان، ازاماتتىق رەيستەرمەن تاسىمالداۋعا جارامايتىن ناۋقاستاردى سانيتارلىق اۆياتسيامەن ەلگە الىپ كەلەدى. بۇگىنگە دەيىن ق ر دەنساۋلىق ساقتاۋ مينيسترلىگى مەن سانيتارلىق اۆياتسيا 17 مىڭ ناۋقاستى تاسىمالداعان. ونىڭ 59-نىڭ جاعدايى وتە اۋىر بولعان.