نۇرسۇلتان نازاربايەۆ جوعارى ە ە ك قۇرمەتتى ءتوراعاسى بولدى
«وزدەرىڭىز بىلەتىندەي، بۇگىنگى شارا ەۋرازيالىق ينتەگراتسيا جونىندەگى يدەياسىنىڭ 25 جانە ەۋرازيالىق ەكونوميكالىق وداق جونىندەگى كەلىسىمنىڭ 5 جىلدىعىنا ارنالىپ وتىر. ەۋرازيالىق ينتەگراتسيا يدەياسىنىڭ اۆتورى جانە باستاماشىسى ق ر تۇڭعىش پرەزيدەنتى - ەلباسى نۇرسۇلتان نازاربايەۆقا جەكە قۇرمەت كورسەتۋگە رۇقسات ەتىڭىزدەر. قازاقستاننىڭ تۇڭعىش پرەزيدەنتىنىڭ ساياسي كورەگەندىگىنىڭ ارقاسىندا ەۋرازيالىق ينتەگراتسيا يدەياسى شىنايى جۇزەگە اسىرىلىپ، قۇرلىقتىڭ ەكونوميكالىق، سونىمەن قاتار گەوساياسي لاندشافتىن تۇرلەندىردى دەسەك تە بولادى. سوندىقتان ونىڭ ەۋرازيالىق ەكونوميكالىق وداقتىڭ قالىپتاسۋىنداعى ءرولىن ەسكەرە كەلە رف پرەزيدەنتى ۆلاديمير پۋتين نۇرسۇلتان ءابىش ۇلىنا جوعارى ەۋرازيالىق ەكونوميكالىق كەڭەسىنىڭ قۇرمەتتى ءتوراعاسى اتاعىن بەرۋدى ۇسىندى»، - دەدى جوعارى ەۋرازيا ەكونوميكالىق كەڭەستىڭ شاعىن قۇرامداعى وتىرىسىن اشقان قازاقستان پرەزيدەنتى قاسىم- جومارت توقايەۆ.
وسى رەتتە ق ر پرەزيدەنتى وسى باستامانى كوتەرگەن ۆ. پۋتينگە جانە باستاماعا تولىقتاي قولداۋ بىلدىرگەن كەڭەسكە مۇشە مەملەكەتتەردىڭ باسشىلارىنا ريزاشىلىعىن ءبىلدىردى.