ادام دەنەسىندەگى قالدىڭ زيانى
مەلانوما - قالىپتى جاعدايدا تەرىدە ورنالاساتىن جانە كۇننىڭ ۋلتراكۇلگىن ساۋلەسى اسەرىنەن بوياعىش پيگمەنت مەلانين بولەتىن مەلنوتسيتتەردىڭ شەكتەن تىس بولىنۋىنەن تۋىندايتىن قاتەرلى ىسىك.
«مەلانوما» تەرمينىڭ گرەكتىڭ«melanos» قارا، قوڭىر دەگەن ماعىنا بىلدىرەدى. كوپ جاعدايدا ىسىك تەرىدە بولادى، اۋىزدىڭ كىلەگەي قاباتىندا، ايەلدىڭ جىنىس مۇشەلەرىندە، اسقازان- ىشەك جولىندا، كوز الماسىندا بولۋى مۇمكىن. ادام دەنەسىندەگى قال دەنساۋلىققا زيانىن تيگىزبەيدى، ءبىراق كەيدە سول قالدىڭ نازار اۋدارۋدى قاجەت ەتەتىن تۇرلەرى كەزدەسىپ جاتادى.
بۇل تۋرالى بۇگىن «مىندەتتى الەۋمەتتىك مەديتسينالىق ساقتاندىرۋ قورى» ك ە ا ق نۇر- سۇلتان قالاسى بويىنشا فيليالى مەديتسينالىق قىزمەتتەر ساپاسىن باقىلاۋ ءبولىمىنىڭ باسشىسى ساندۋعاش بولىسبەكوۆا ايتتى. ونىڭ مالىمەتى بويىنشا اعىمداعى جىلدىڭ I توقسانىندا «تەرىدەگى قاتەرلى ىسىك» دياگنوزى بويىنشا ديسپانسەرلىك ەسەپتە 961 ناۋقاس تىركەلگەن، ونىڭ ىشىندە - 117 ناۋقاس مەلانوما دياگنوزىمەن تىركەلگەندەر.
«مەلانومانىڭ العاشقى بەلگىسى ادامداعى قال ولشەمىنىڭ، ءپىشىنىنىڭ، ءتۇسىنىڭ جانە سەزىمتالدىعىنىڭ وزگەرۋى، دەنەدەگى بار قالدىڭ اۋماعىندا جاڭادان قارا ءتۇستى ايماقتىڭ پايدا بولۋى، قالدىڭ ۇستىندە قايتادان تۇزىلگەن قابىرشاق جانە قىشۋ سەزىمى دە ازداعان وزگەرىستەرى رەتىندە كورىنە الادى. سونىمەن قاتار مەلانوما جاڭا قال رەتىندە دە تۇزىلە الادى. ول قارا ءتۇستى، وزگەشە بولۋى مۇمكىن. ەگەر دەنەڭىزدەگى جاڭا ءتۇزىلىس جايلى سۇراقتار تۋىنداسا نەمەسە الاڭداۋشىلىعىڭىز بولسا، دەرماتوۆەنەرولوگ دارىگەرىنە قارالعانىڭىز ءجون»، - دەيدى س. بولىسبەكوۆا.
