18:06, 28 - مامىر 2019 | GMT +5
ديماش قۇدايبەرگەن ەۋروپالىق ويىنداردىڭ اشىلۋ سالتاناتىندا ونەر كورسەتەدى
نۇر- سۇلتان. قازاقپارات - ديماش قۇدايبەرگەن مينسكىدە وتەتىن II ەۋروپالىق ويىنداردىڭ اشىلۋ سالتاناتىندا ونەر كورسەتەدى. بۇل تۋرالى ءانشى Instagram داعى جاەكە پاراقشاسىندا جازدى، دەپ حابارلايدى قازاقپارات ءتىلشىسى.
«جاقىندا جاڭا ءاننىڭ پرەمەراسى بولادى. II ەۋروپالىق ويىنداردىڭ اشىلۋ سالتاناتىندا كەزدەسكەنشە.. .» ، - دەپ جازدى ول Instagram جەلىسىندە.
II ەۋروپالىق ويىندار سپورتتىق شاراسىنىڭ اشىلۋ سالتاناتى الداعى ماۋسىم ايىنىڭ 21- كۇنى وتەدى. جارىسقا ەۋروپانىڭ 50 ەلىنەن 4 مىڭنان استام سپورتشى قاتىساتىنى كۇتىلەدى.
ەسكە سالا كەتەيىك، ديماش قۇدايبەرگەن ءوزىنىڭ العاشقى البومى 14 - ماۋسىم كۇنى جارىققا شىعاتىنىن جاريالاعان ەدى. ءانشى وسى كۇندەرى 29 - ماۋسىمدا ەلوردادا وتەتىن «ارناۋ» اتتى جەكە كونسەرتىنە دايىندىق ۇستىندە. جاقىندا مۋزىكالىق كەشتىڭ ۆيدەوجارناماسى جاريالاندى.