دامىعان ەلدەردە جەمقورلىقتىڭ ءيىسىن دە سەزبەيسىز - اليك شپەكبايەۆ

نۇر- سۇلتان. قازاقپارات - ەلىمىزدە پوليتسيا قىزمەتكەرلەرىنىڭ جالاقىسى ءوسىپ، الەۋمەتتىك جاعدايى جاقسارىپ جاتقاندىقتان، ءتارتىپ ساقشىلارى ەلگە ادال قىزمەت ەتۋ تىلەگىنەن اداسپاۋى كەرەك.

ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى اليك شپەكبايەۆ وسىلاي دەدى، دەپ حابارلايدى قازاقپارات ءتىلشىسى.

«پوليتسيا قىزمەتكەرلەرىنىڭ ايلىعى 150 مىڭ تەڭگەدەن 320 مىڭ تەڭگەگە دەيىن وسەتىنى جاقىندا حابارلاندى. ماكسيمالدى 320 مىڭ تەڭگە دەگەن - وتە قوماقتى جالاقى. بارلىق قۇرىلىمداردا دا وسىنداي لايىقتى ەڭبەكاقى بولۋى كەرەك دەپ ەسەپتەيمىن. سەبەبى، بارلىق جەمقورلىق جاعدايىنىڭ نەگىزگى سەبەبى دە وسىمەن تىكەلەي بايلانىستى. سونىمەن قاتار، ءتارتىپ ساقشىلارىنىڭ الەۋمەتتىك ماسەلەلەرى دە شەشىلەتىنىن اتاپ ءوتۋ كەرەك. الەۋمەتتىك پاكەت كەڭەيىپ كەلەدى. تۇرعىن ۇيمەن قامتۋ، يپوتەكالىق نەسيەلەۋ سەكىلدى شارالاردا جەڭىلدىك بولادى»، - دەدى اليك شپەكبايەۆ ءى ءى م- دە قوعامدىق ۇيىمداردىڭ، ىشكى ىستەر ورگاندارىنىڭ وكىلدەرىمەن كەزدەسۋدە.

ونىڭ ايتۋىنشا، جاعداي جاسالىپ جاتقاندىقتان، ەلگە ادال قىزمەت ەتۋ - پوليتسيا قىزمەتكەرىنىڭ نەگىزگى تىلەگىنە اينالۋى كەرەك.

«پارادان باس تارتۋ جىگەرى مەن ەلگە قىزمەت ەتۋ تىلەگىنەن اينىماۋ كەرەك. ەڭ باستىسى، ەتيكا مەن ادالدىق، ادامدىق قالۋى ءتيىس. دامىعان ەلدەردىڭ كوبىندە قازىرگى تاڭدا جەمقورلىققا قارسى زاڭ دا جوق. كوبىڭىز شەتەلدە بولعان شىعارسىزدار. بارلىق جەردە ەتيكانى ۇستانادى. دۇرىس تۇسىنۋلەرىڭىزدى سۇرايمىن. مىنە، كەزەڭ- كەزەڭىمەن ءبىز دە وسى ستاندارتتارعا ءوتۋىمىز كەرەك. ولار ءتىپتى «جەمقورلىق» دەگەن ءسوزدى كوپتىڭ الدىندا ايتۋعا ۇيالادى. «ول ءسوزدى بىزدە ايتۋ ورىنسىز» دەگەندى دە ەستىدىك. ول جاقتا جەمقورلىقتىڭ ءيىسىن دە سەزبەيسىز. سول سەبەپتى، بۇگىنگى قۇجات - العا جىلجۋدا سەرپىن بەرەدى دەگەن سەنىمدەمىن»، - دەيدى اليك شپەكبايەۆ.

ايتا كەتسەك، بۇگىن ەلوردادا ءى ءى م مەن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى باسشىلىعى ازاماتتىق قوعام جانە ب ا ق وكىلدەرىمەن كەزدەسۋ وتكىزدى. كەزدەسۋدە ىشكى ىستەر مينيسترلىگىنىڭ جول كارتاسى نەگىزىندە قوعامداستىق جانە ۆەدومستۆولار ازىرلەگەن ىشكى ىستەر ورگاندارىنداعى جەمقورلىقپەن كۇرەستىڭ ءۇشجاقتى جوسپارى تانىستىرىلدى.

«رەفورما باعدارلاماسىن ازىرلەۋدە بەلسەندى تۇردە اتسالىسىپ جۇرگەن ازاماتتارعا ەرەكشە العىسىمدى ايتقىم كەلەدى. ءى ءى م سىزدەرمەن ءاردايىم بىرلەسە ەڭبەك ەتۋگە دايىن. ءى ءى م تەك سىننىڭ استىندا قالاتىن ورگان ەمەس، سەنىمگە يە بولعانىن قالايمىز»، - دەدى ىشكى ىستەر ءمينيسترى ەرلان تۇرعىمبايەۆ.

اۆتور: ايان بەكەن ۇلى