عالىمدار وبىردى ەمدەۋدە ەڭ جاقسى كومەكتەسەتىن وسىمدىكتەردى انىقتادى
Medical News Today مالىمەتىنشە، وبىر ىسىكتەرىنىڭ ءوسىمىن تەجەۋگە سەپتىگىن تيگىزەتىن 3 ءتۇرلى وسىمدىك ءوز تيىمدىلىگىن كورسەتكەن.
بۇل وسىمدىكتەر كوبىنەسە ازيانىڭ وڭتۇستىك- شىعىسىندا ورنالاسقان ەلدەردە وبىرعا قارسى قولدانىلاتىن ءدارى- دارمەكتەردە ءجيى قولدانىلادى. سول سەبەپتى سينگاپۋر عالىمدارىنىڭ تاڭداۋى وسى وسىمدىكتەرگە تۇسكەن.
عالىمدار جۇرگىزگەن زەرتتەۋ جۇمىسىنىڭ ناتيجەسىندە مىنانداي وسىمدىكتەردىڭ وبىرعا قارسى تيىمدىلىگى راستالعان:
· بانديكۋت جيدەگى (بانديكۋتوۆايا ياگودا) (Leea Indica) ؛
· بەلالاي گادجا (Clinacanthus Nutans) ؛
· ۆامپي (Clausena lansium) ؛
· بودەنەشوپ (ۆەرنونيا) (Vernonia amygdalina) ؛
· ءۇشجاپىراقتى يزەن (پرۋتنياك ترەحليستنىي) (Vitex trifolia) .
عالىمدار وسىمدىكتەردىڭ زاقىمدالماعان جانە تولىق ءوسىپ جەتىلگەن، ءارى بالعىن جاپىراقتارىن تاڭداپ الىپ، ولاردان ەمدىك ەكستراكتىلەر العان.
زەرتتەۋ جۇرگىزۋ بارىسىندا ماماندار اتالعان وسىمدىكتەردىڭ جاتىر، جاتىر مويناعى، باۋىر، توقىشەك، ءسۇت بەزدەرى، انالىق بەزدەردىڭ وبىر جاسۋشالارىنا جانە لەيكەميانىڭ، ياعني قان قۇرامىنداعى وبىر جاسۋشالارىنا اسەرىن انىقتاعان.
وبىر جاسۋشالارىنا قارسى اسەرى ايقىن بىلىنگەن 3 وسىمدىك ءتۇرى ەرەكشەلەنگەن. ولار:
· بانديكۋت جيدەگى (بانديكۋتوۆايا ياگودا) ؛
· بودەنەشوپ (ۆەرنونيا) ؛
· ءۇشجاپىراقتى يزەن (پرۋتنياك ترەحليستنىي) .
ولار وبىر جاسۋشالارىنىڭ قاي جەردى زاقىمدانعانىنا قاراماستان سول اۋرۋ وشاعىن باسەڭدەتىپ، اۋرۋدىڭ وڭ ديناميكاسىنا جەتۋگە سەپتىگىن تيگىزگەن.