قازاقستان ب ۇ ۇ بىتىمگەرلىك ميسسيالارىن قولدايدى - قاسىم- جومارت توقايەۆ

نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ ب ۇ ۇ باس حاتشىسىنىڭ ورىنباسارلارى اتۋل حارەمەن جانە جان- پەر لاكرۋامەن كەزدەستى، دەپ حابارلايدى اقوردانىڭ باسپا ءسوز قىزمەتى.

كەزدەسۋ بارىسىندا بەيبىتشىلىكتى قامتاماسىز ەتۋ ىسىندەگى قازاقستان مەن بىرىككەن ۇلتتار ۇيىمىنىڭ حالىقارالىق قاۋىپسىزدىك جانە ىقپالداستىق ماسەلەلەرى قاراستىرىلدى.

- قازاقستان بىرىككەن ۇلتتار ۇيىمىنىڭ مىندەتتەرى مەن ماقساتتارىن قۇرمەتتەيدى. ءبىز ب ۇ ۇ باس حاتشىسى ۇسىنعان رەفورمالاردى، سونىڭ ىشىندە بىتىمگەرلىك ميسسيالاردى قولدايمىز. ءبىز بىتىمگەرلىك قىزمەتتىڭ تيىمدىلىگىن ارتتىرۋ ءۇشىن ىنتىماقتاستىق ورناتۋعا دايىنبىز. وكىنىشكە قاراي، قازىرگى الەم وتە قۇبىلمالى بولىپ تۇر. سوندىقتان، ءبىزدىڭ بىرلەسكەن قىزمەتىمىز جەر شارىن مەيلىنشە تۇراقتى ءارى قاۋىپسىز ەتەدى دەپ ۇمىتتەنەمىن، - دەدى قاسىم- جومارت توقايەۆ.

اتۋل حارە ب ۇ ۇ اياسىنداعى بىتىمگەرلىك وپەراتسيالارعا قولداۋ كورسەتكەنى ءۇشىن قازاقستانعا العىس ءبىلدىردى.