15:46, 28 - مامىر 2019 | GMT +5
جاپونيادا بارلىق بالاباقشا تەگىن بولدى
نۇر- سۇلتان. قازاقپارات - جاپونيانىڭ جوعارعى پالاتاسى تەگىن بالاباقشا تۋرالى زاڭ قابىلدادى. ول 2019 -جىلدىڭ قازان ايىندا كۇشىنە ەنەدى.
قۇجاتقا سايكەس، بالاباقشالار 3 جاستان 5 جاسقا دەيىنگى بالالار ءۇشىن تەگىن. ال، 6 جاسىندا بالالار باستاۋىش مەكتەپكە بارادى.
سونداي- اق، از قامتىلعان وتباسىنان شىققان بالالاردى جوعارى سىنىپتاردا جانە جوعارى وقۋ ورىندارىندا تەگىن وقىتۋ تۋرالى زاڭ قابىلداندى. ول 2020 -جىلدىڭ ساۋىرىنەن باستاپ كۇشىنە ەنەدى.
ايتا كەتۋ كەرەك، بۇل زاڭ جۇيەلەرىنىڭ ءبارى پرەمەر- مينيستر سيندزو ابەنىڭ ۇكىمەتى تاراپىنان ەنگىزىلدى. ول بىرتىندەپ ەلدە تەگىن ءبىلىم بەرۋ جۇيەسىن ەنگىزۋدى قولداپ، ونى ءوزىنىڭ ساياسي باعدارلاماسىنىڭ نەگىزىنە اينالدىردى.