ەلوردانىڭ ۇزدىك رامىزدەرىن جاساۋ بويىنشا شىعارماشىلىق بايقاۋ جاريالاندى
بۇل بايقاۋ پاتريوتيزم سەزىمىن تاربيەلەۋ، قالانىڭ ۇزدىك رامىزدەرىن جاساۋ، سونداي-اق ۇلتتىق ونەردى ودان ءارى دامىتۋ جانە ونى كەڭىنەن ناسيحاتتاۋ ماقساتىندا وتكىزىلەدى.
ءوز جۇمىستارىن كاسىبي جانە اۋەسقوي كومپوزيتورلار مەن اقىندار، مۋزىكالىق جانە شىعارماشىلىق توپتار، ديزاينەرلەر، سۋرەتشىلەر، سونداي- اق رەسپۋبليكانىڭ تۇرعىندارى مەن قالا تۇرعىندارى جىبەرە الادى.
بايقاۋ 2019 -جىلعى 27 -مامىردان 24 -ماۋسىمعا دەيىن جۇرگىزىلەدى. اندەر كەز كەلگەن جانردا جانە ءارتۇرلى ورىنداۋشىلار ءۇشىن جازىلۋى مۇمكىن. بايقاۋعا قاتىسقىسى كەلەتىندەر نۇر-سۇلتان قالاسىنىڭ قوعامدىق دامۋ ىستەرى باسقارماسىنا 2019 -جىلدىڭ 24 -ماۋسىمىنان كەشىكتىرمەي مىنا ماتەريالداردى تاپسىرۋلارى كەرەك: 1. تولتىرىلعان ءوتىنىم. 2. CD- فورماتىندا الدىن الا تاڭداۋ ءۇشىن جۇمىستىڭ اۋديو جازباسى. 3. برەند كىتاپشاسىنىڭ ەسكيزدەرى (نوباي A4, A3 قاعازىنىڭ قالىڭ پاراعىنا جازىلۋى ءتيىس) 4. شىعارماشىلىقتى سيپاتتايتىن تۇسىندىرمە جازبا. بايقاۋعا باعىتتالعان اندەر بۇرىن جاريالانباۋى كەرەك جانە رەسپۋبليكانىڭ استاناسىنا جوعارى رۋحانيلىق، وتانسۇيگىشتىك، ماحاببات پەن ماقتانىش يدەيالارىن ۇستانۋى قاجەت.
قازىلار القاسى بەلگىلى كومپوزيتورلاردان، اقىنداردان، سۋرەتشىلەردەن، ديزاينەرلەردەن جانە ۇيىمداستىرۋ كوميتەتىنىڭ مۇشەلەرىنەن تۇرادى. ءاربىر بايقاۋدىڭ جەڭىمپازى ديپلوممەن
جانە 3000000 تەڭگە اقشالاي سىيلىقپەن ماراپاتتالادى.
قۇجاتتار كەلەسى مەكەنجاي بويىنشا قابىلدانادى: بەيبىتشىلىك
كوشەسى، 11,535 كەڭسە، تەل.: 556719.