مىڭنان استام قازاقستاندىق شەتەلدە جازاسىن وتەپ جاتىر
«بۇگىنگى كۇنى قازاقستاننىڭ 1093 ازاماتى شەتەلدە جازاسىن وتەپ جاتىر. 2007 -جىلدان بەرى ءبىز شەتەلدە سوتتالعان 818 ادامدى قازاقستانعا قايتاردىق» ، - دەدى ول ق ر پارلامەنتى سەناتى كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندار كوميتەتىنىڭ كەڭەيتىلگەن وتىرىسى اياسىندا ب ا ق وكىلدەرىنە.
ايتا كەتەرلىگى، وتىرىستا «قازاقستان رەسپۋبليكاسى مەن ليتۆا رەسپۋبليكاسى اراسىنداعى باس بوستاندىعىنان ايىرۋعا سوتتالعان تۇلعالاردى جانە مەديتسينالىق سيپاتتاعى ماجۇرلەۋ شارالارىن قولدانىلعان تۇلعالاردى ۇستاپ بەرۋ تۋرالى شارتتى راتيفيكاتسيالاۋ تۋرالى» زاڭ جوباسىن قارالعان ەدى.
ق ر باس پروكۋرورى ورىنباسارىنىڭ ايتۋىنشا، قازىرگى ۋاقىتتا ەلىمىز شەت مەملەكەتتەرمەن سوتتالعانداردى بەرۋ تۋرالى كەلىسىم جاساۋعا باقىتتالعان اۋقىمدى جۇمىس جۇرگىزىپ جاتىر. اتالعان شارا قازاقستان ازاماتتارىنىڭ كونستيتۋتسيالىق قۇقىعىن قامتاماسىز ەتۋگە باعىتتالعان.
مۇنداي كەلىسىمدەر قۇقىق قورعاۋ ورگاندارىنىڭ جانە قر سىرتقى ىستەر مينيسترلىگىنىڭ شەتەلدە سوتتالعان قازاقستان ازاماتتارىن ەلگە قايتارۋ ماسەلەسىندەگى وكىلەتتىگىن كەڭەيتە تۇسەدى.
