ازاماتتىق الماعان قانداستارعا «ورالمان» مارتەبەسىن ۇزارتۋ جىل سوڭىنا دەيىن جالعاسادى

نۇر- سۇلتان. قازاقپارات - «وتانداستار قورى» مەن دۇنيەجۇزىلىك قازاقتار قاۋىمداستىعى «ورالمان» مارتەبەسىن ۇزارتۋدىڭ جەڭىلدەتىلگەن ءتارتىبى بويىنشا ۋاقىتى وتكەن كۋالىكتەرگە قاتىستى اكسيا ءجۇرىپ جاتقانىن ەسكە سالادى.

 بۇل تۋرالى قازاقپارات «وتانداستار قورى» باسپا ءسوز قىزمەتىنە سىلتەمە جاساپ حابارلايدى.

«2018 -جىلدىڭ 16 - ناۋرىزىندا تاريحي وتانىنا كەلگەن، ءبىراق ازاماتتىق الۋعا ۇلگەرمەگەن «ورالمان» مارتەبەسىن ۇزارتۋ اكسياسى باستالعان بولاتىن. ورالماندارعا قازاقستاندىق ازاماتتىقتى وڭايلاتىلعان تارتىپپەن الۋ قۇقىعى بەرىلگەن. ورالمان مارتەبەسى ونى العان كۇننەن باستاپ ءبىر جىل وتكەننەن كەيىن توقتاتىلادى. بۇل رەتتە ەتنيكالىق قازاقتارعا ازاماتتىق الۋدى ۇلگەرمەگەن اكسيا شەڭبەرىندە «ورالمان» مارتەبەسى 2019 -جىلعى 31 - جەلتوقسانعا دەيىن ۇزارتىلدى. مارتەبە مەرزىمى ءوتىپ كەتكەن ورالماندار ءوز وبلىسىنىڭ نەمەسە رەسپۋبليكالىق ماڭىزى بار قالانىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنا ونى ۇزارتۋ جانە قازاقستاندىق ازاماتتىعىن الۋ ءۇشىن ىشكى ىستەر ورگاندارىنا قۇجاتتاردى وڭايلاتىلعان تارتىپپەن بەرۋ ءۇشىن جۇگىنە الادى»، - دەلىنگەن باسپا ءسوز بايانىندا.

 ايتا كەتەرلىگى، اكسيانىڭ ۋاقىتى شەكتەۋلى. سونداي- اق، ساپالى قىزمەت كورسەتۋ ماقساتىندا اتالعان ماسەلە بويىنشا ءوتىنىشتىڭ كوشىرمەسىن كەيىننەن باقىلاۋ ءۇشىن تۇرعىلىقتى جەر بويىنشا دۇنيەجۇزىلىك قازاقتار قاۋىمداستىعى فيليالدارىنا جىبەرۋ سۇرالادى.

ءبىرىڭعاي بايلانىس ورتالىعىنا مىنا نومىرلەر بويىنشا حابارلاسۋعا بولادى:

- 1404 (بارلىق قازاقستاندىق موبيلدى وپەراتورلارعا قوڭىراۋ شالۋ تەگىن)؛

 - 88000801404 (قازاقستان بويىنشا قالالىق نومىرلەردەن قوڭىراۋ شەلۋ تەگىن)؛

-  77172981404 + (قوڭىراۋلار قالالىق نومىرلەردەن قازاقستان بويىنشا تەگىن، شەتەلدەن شەتەلدىك بايلانىس وپەراتورلارىنىڭ ءتاريفى بويىنشا الىنادى)؛

- 77010001404  + (WathsApp جانە Telegram حابارلامالارى ءۇشىن)؛

 سونداي- اق ايماقتارداعى دۇنيەجۇزى قازاقتارى قاۋىمداستىعىنىڭ فيليالدارىنا حابارلاسۋ ارقىلى جۇزەگە اسىرىلادى.

اۆتور: قانات مامەتقازى ۇلى